होमगार्ड मेगा भरतीला सुरूवात! १६ ऑगस्टपासून अर्ज प्रक्रिया सुरू होणार.. 

एज्युवार्ता न्यूज नेटवर्क 

नोकरीच्या शोधात असणाऱ्या तरूणांसाठी महत्त्वाची आणि आनंदाची बातमी समोर आली आहे.  होमगार्ड आस्थापनेवरील (Home Guard Recruitment 2024) ३४ जिल्ह्यातील एकुण ९७०० जागांसाठी (9700 vacancies) येत्या १६ ऑगस्टपासून अर्ज प्रक्रिया (Application process from 16th August) राबवली जाणार आहे. त्यासंबंधित अधिसूचना प्रसिद्ध करण्यात आली आहे. इच्छुक आणि पात्र उमेदवार अधिकृत संकेतस्थळ firenoc.cg.gov.in वर ऑनलाईन पद्धतीने अर्ज करता येणार आहे. 

होमगार्ड जवान या पदासाठी ९७०० जागा रिक्त आहेत. २० ते ५० वयोगटातील उमेदवार या नोकरीसाठी अर्ज करु शकतात. या नोकरीसाठी शारीरिक पात्रता चाचणी घेण्यात येणार आहे. त्यानंतर मैदानी चाचणी आणि कागदपत्रे पडताळणी केली जाईल.

या नोकरीसाठी उमेदवार ज्या जिल्ह्याचा रहिवासी आहे त्याच जिल्ह्यात नोकरी मिळणार आहे. त्यामुळे उमेदवारांना दुसऱ्या ठिकाणी जाऊन काम करणे गरजेचे नाही. या नोकरीसाठी १०वी आणि १२ वी पास उमेदवार अर्ज करु शकतात. यासाठी उमेदवारांची निवड लेखी परीक्षा, शारिरीक चाचणीद्वारे केली जाणार आहे.

असा भरा अर्ज 

भरती प्रक्रियेत सहभागी होणाऱ्या उमेदवाराला अर्ज करण्यासाठी सर्वात अगोदर https://maharashtracdhg.gov.in/  या साईटवर जावे लागेल. त्यानंतर उमेदवाराला होमपेजवरील ऑनलाइन अर्ज लिंकवर क्लिक करावा लागेल. त्याठिकाणी ईमेल आयडी आणि मोबाईल नंबर टाकून नोंदणी करा. पुढे आवश्यक लॉगिन क्रेडेन्शियल्स टाकून लॉग इन करावे. यानंतर आपल्या समोर एक अर्ज ओपन होईल, तो संपुर्ण अर्ज तुम्हाला भरावा लागेल. अर्जासोबत आपल्याला काही प्रमाणपत्रेही जोडणे आवश्यक आहे. त्यानंतर भरलेला अर्ज उमेदवाराने परत तपासून पाहावा, आपण अर्जामध्ये भरलेली सर्व माहिती बरोबर असल्याची खात्री करावी? सर्व बरोबर असल्यास सबमिट करून प्रिंट काढून घ्यावी.