भारतीय हवाई दलात विविध पदांच्या 336 जागांसाठी भरती सुरू
पदांनुसार पात्र असणाऱ्या उमेदवारांकडून 2 डिसेंबर पासून अर्ज मागविण्यात येत आहेत. अर्ज ऑनलाइन पद्धतीने करायचा असून अर्ज करण्याची अंतिम मुदत 31 डिसेंबरपर्यंत देण्यात आली आहे.
eduvarta@gmail.com 
एज्युवार्ता न्यूज नेटवर्क
भारतीय हवाई दला (Indian Air Force Recruitment) अंतर्गत फ्लाइंग आणि ग्राउंड ड्यूटी (Flying and ground duty) (तांत्रिक आणि गैर-तांत्रिक) पदांच्या एकूण 336 रिक्त जागा भरण्यासाठी जाहिरात प्रसिद्ध करण्यात आली आहे. पदांनुसार पात्र असणाऱ्या उमेदवारांकडून 2 डिसेंबर पासून अर्ज मागविण्यात येत आहेत. अर्ज ऑनलाइन पद्धतीने करायचा असून अर्ज करण्याची अंतिम मुदत 31 डिसेंबरपर्यंत (Deadline December 31) देण्यात आली आहे.
भारतीय हवाई दल भरती मोहिमेअंतर्गत फ्लाइंग - 30 पदे, ग्राउंड ड्युटी (तांत्रिक) - 189 पदे, ग्राउंड ड्युटी (नॉन टेक्निकल) - 117 पदे अशा एकूण ३३६ जागांसाठी ही भरती प्रक्रिया राबवण्यात येणार आहे. तसेच एकूण पदांच्या १० टक्के पदे ही स्पेशल फ्लाइंग साठी भरण्यात येणार आहेत. सदर पदभरती प्रक्रियेत सहभागी होण्यासाठी उमेदवारांना 550 रुपये अधिक GST एवढी रक्कम परीक्षा शुल्क म्हणून भरावी लागेल.
शैक्षणिक पात्रता :
विविध पदासांठी शैक्षणिक पात्रता वेगवेगळी असणार आहे. त्यानुसार फ्लाइंग पदासाठी 60 टक्के गुणांसह 12 वी ( Physics & Math ) सह व कोणत्याही शाखेतील पदवी 60 टक्के गुणांसह अथवा 60 टक्के गुणांसह बी.ई / बी.टेक अर्हता उत्तीर्ण असणे आवश्यक आहे. ग्राउंड ड्युटी (तांत्रिक) पदासाठी 50 टक्के गुणांसह 12 वी उत्तीर्ण ( Physics & Math ) सह उत्तीर्ण, तसेच 60 टक्के गुणांसह बी.ई / बी.टेक अर्हता उत्तीर्ण असणे आवश्यक आहे.
ग्राउंड ड्युटी (नॉन टेक्निकल) पदासाठी 60 टक्के गुणांसह कोणत्याही शाखेतील पदवी / बी.कॉम / 60 टक्के गुणांसह BBA / BMS /BBS / CA / CMA / CS / CFA अथवा बी.एस्सी वित्त अर्हता उत्तीर्ण असणे आवश्यक असेल. तसेच फ्लाइंग स्पेशल पदासाठी NCC हवाई विंग वरिष्ठ डिव्हिजन सी प्रमाणपत्र अर्हता उत्तीर्ण असणे आवश्यक असेल.
