LLB तीन वर्ष अभ्यासक्रमाच्या अर्ज नोंदणीस 24 जुलैपर्यंत मुदतवाढ

एज्युवार्ता न्यूज नेटवर्क 

एलएलबी 3 वर्ष अभ्यासक्रमाच्या (Law 3 year course) प्रवेश प्रक्रियेच्या नोंदणीसाठी 24 जुलैपर्यंत मुदतवाढ (Deadline for registration extended till 24th July) दिली आहे. प्रवेश नोंदणीसाठी मिळालेला अल्प प्रतिसाद आणि विद्यार्थी व पालकांकडून मुदत वाढवण्याबाबत करण्यात आलेली मागणी यामुळे राज्य सामाईक प्रवेश परीक्षा (CET Cell) कक्षाकडून मुदतवाढ देण्यात आली आहे. 

एलएलबी 3 वर्ष अभ्यासक्रमांसाठी राज्यात सुमारे 18 हजारांपेक्षा जास्तीच्या जागा आहेत. १८ हजार जागांसाठी आत्तापर्यंत जवळपास ८० हजार ५६ विद्यार्थ्यांनी नोंदणी केली. विधी 3 वर्षे अभ्यासक्रमाच्या प्रवेश प्रक्रियेच्या नोंदणीसाठी पहिल्यांदा ११ ते १८ जुलैपर्यंत मुदत देण्यात आली. यावेळी केवळ ४० हजार २३४ विद्यार्थ्यांनी नोंदणी केली. तर ३४ हजार ५४८ विद्यार्थ्यांनी शुल्क भरून अर्ज निश्चिती केली. उमेदवार नोंदणी पाहाता सीईटी सेलकडून मुदतवाढ देण्यात आली आहे. यावेळी मात्र, नोंदणी केलेल्या उमेदवारांचा आकडा दुप्पट झाला. मात्र, पुन्हा एकदा विद्यार्थी आणि यांच्या मागणीनंतर मुदतवाढ देण्यात आली आहे. 

परीक्षा दिलेल्या विद्यार्थ्यांच्या तुलनेत निम्म्या विद्यार्थ्यांनीच प्रवेश प्रक्रियेचा अर्ज भरला आहे.राज्यात होत असलेल्या पावसामुळे ग्रामीण भागातील विद्यार्थ्यांना अर्ज भरण्यात काही तांत्रिक अडचणी निर्माण होत आहेत. त्यामुळे अनेक पालक व विद्यार्थ्यांनी प्रवेश प्रक्रियेच्या अर्ज नोंदणीस मुदतवाढ देण्याची मागणी केली. नोंदणीला मिळालेला अल्प प्रतिसाद आणि विद्यार्थ्यांकडून होणारी मागणी लक्षात घेऊन सीईटी कक्षाने विधी तीन वर्षे अभ्यासक्रमाच्या प्रवेश प्रक्रिया अर्ज नोंदणीस २४ जुलैपर्यंत मुदतवाढ देण्याचा निर्णय घेतला आहे. प्रवेश अर्ज भरण्यास दिलेल्या मुदतवाढीचा अधिकाधिक विद्यार्थ्यांनी लाभ घेऊन अर्ज नोंदणी करावी, असे आवाहन सीईटी कक्षाकडून करण्यात आले आहे.