शिक्षक, पदवीधर निवडणूकीसाठी मतदार याद्या तयार नसताना निवडणूक घेण्याची घाई?
निवडणूकीसाठी अर्ज भरल्यानंतर मतदार याद्या प्रसिद्ध होणार आहेत.मात्र, नव्या मंतदारांपर्यंत तेही पाच जिल्ह्यात १० ते १२ दिवसांत पोहचणे हे निवडणूक लढणाऱ्या उमेदवारांसाठी केवळ आव्हान असणार आहे.त्यामुळे शिक्षक व पदवीधर निवडणूक लढवणाऱ्या उमेदवारांना ही निवडणूक चांगलीच जड जाणार आहे.
Eduvarta
एज्युवार्ता न्यूज नेटवर्क
केंद्रीय निवडणूक आयोगाने शिक्षक व पदवीधर निवडणूकीचा कार्यक्रम अचानक जाहीर केला.त्यामुळे प्रशासनाला अंतिम मतदार याद्या तयार करण्यासाठी पुरेसा वेळच उपलब्ध झाला नाही.आता मतदार याद्या तयार नसताना शिक्षक व पदवीधर निवडणूकीसाठी उमेदवारी अर्ज भरून घेण्याचा कार्यक्रम जाहीर करण्यात आला आहे.परिणामी उमेदवारांना प्रचारासाठी आणि मंतदारांपर्यंत पोहचण्यासाठी पुरेसा वेळ मिळणार नाही.त्यामुळे मतदार याद्या अंतिम करण्यापूर्वी निवडणूक घेण्याची घाई का केली जात आहे, असा सवाल इच्छुक उमेदवारांकडून उपस्थित केला जात आहे.
निवडणूक आयोगाने राज्याील पाच शिक्षक, पदवीधर निवडणुकीची घोषणा केली आहे. यामध्ये अमरावती, पुणे , नागपूर, औरंगाबाद विभागाचा समावेश आहे.निवडणूक आयोगाने मतदार नोंदणीसाठी २६ सप्टेंबरपर्यंत मुदत दिली होती.त्यामुळे २६ तारखेपर्यंत नोंदणी केलेल्या मतदारांची यादी अद्याप तयार झाली नाही.
शिक्षक मतदार संघासाठी यापूर्वी प्रसिद्ध करण्यात आलेल्या यादीनुसार कोल्हापूर जिल्ह्यात १० हजार २४० मतदारांनी नोंदणी केली आहे. तर सांगली जिल्ह्यात ७ हजार २२६ मतदारांची नोंदणी झालेली आहे. पूणे जिल्ह्यातील पूर्वीच्या मतदारांची संख्या १२ हजार १३१ असून सातारा जिल्ह्यात ९ हजार २ तर सोलापूर जिल्ह्यात १३ हजार १६७ मतदार नोंदवले गेले आहेत. हे सर्व मागील यापूर्वी प्रसिद्ध केलेल्या यादीतील मतदार आहेत.नव्या कोणत्या मतदारांनी नोंदणी केली, याबाबतची माहिती अद्याप कुठेच उपलब्ध नाही.येत्या ९ ऑक्टोबरपर्यंत अंतिम मतदार यादी प्रसिद्ध होण्याची शक्यता व्यक्त केली जात आहे.
निवडणूकीसाठी अर्ज भरल्यानंतर मतदार याद्या प्रसिद्ध होणार आहेत.मात्र, नव्या मंतदारांपर्यंत तेही पाच जिल्ह्यात १० ते १२ दिवसांत पोहचणे हे निवडणूक लढणाऱ्या उमेदवारांसाठी केवळ आव्हान असणार आहे.त्यामुळे शिक्षक व पदवीधर निवडणूक लढवणाऱ्या उमेदवारांना ही निवडणूक चांगलीच जड जाणार आहे.सध्या विरोधी पक्षांकडून निवडणूक आयोगाच्या कारभारावर टीका केली जात आहे.त्यात मतदार याद्या तयार नसताना निवडणूक कशी घेतली जाऊ शकते? असा सवाल विरोधकांकडून विचारला जाऊ शकतो, असे तज्ज्ञ व अभ्यासकांकडून सांगितले जात आहे.
