BHEL कडून अभियंता आणि पर्यवेक्षक प्रशिक्षणार्थी पदांसाठी भरती जाहीर

एज्युवार्ता न्यूज नेटवर्क

भारत हेवी इलेक्ट्रिकल्स लिमिटेडने (Bharat Heavy Electricals Limited) BHEL अभियंता आणि पर्यवेक्षक प्रशिक्षणार्थी पदांसाठी भरती जाहीर केली आहे. (Recruitment has been announced for the posts of Engineer and Supervisor Trainee) या पदांसाठी अर्ज प्रक्रिया (Application process) पुढील महिन्यात १ फेब्रुवारीपासून सुरू होईल. इच्छुक आणि पात्र उमेदवार https://www.bhel.com/recruitment या अधिकृत वेबसाइटला भेट देऊन अर्ज करू शकतील.

BHEL ने प्रशिक्षणार्थी आणि पर्यवेक्षक प्रशिक्षणार्थीच्या ४०० पदांसाठी भरतीसाठी अधिसूचना प्रसिद्ध केली आहे. यापैकी १५० पदे अभियंत्यांची आहेत आणि २५० पदे पर्यवेक्षकांची आहेत. ही पदे मेकॅनिकल, इलेक्ट्रिकल, सिव्हिल आणि केमिकलसह विविध विभागांमध्ये भरली जातील. या पदांसाठी अर्ज करण्याची शेवटची तारीख २८ फेब्रुवारी २०२५ आहे. 

अभियंता प्रशिक्षणार्थी पदासाठी अर्ज करणाऱ्या उमेदवारांकडे अभियांत्रिकी / तंत्रज्ञान विषयात पूर्णवेळ बॅचलर पदवी किंवा मान्यताप्राप्त विद्यापीठ किंवा संस्थेतून संबंधित क्षेत्रात पाच वर्षांची एकात्मिक पदव्युत्तर पदवी असणे आवश्यक आहे. तर पर्यवेक्षक प्रशिक्षणार्थी पदासाठी उमेदवारांकडे पूर्णवेळ डिप्लोमा पदवी असणे आवश्यक आहे. या पदांसाठी अर्ज करणाऱ्या उमेदवारांचे वय १८ ते २७ वर्षे दरम्यान असावे. तथापि, राखीव प्रवर्गातील उमेदवारांना नियमांनुसार वयोमर्यादेत सूट दिली जाईल. उमेदवार अधिकृत वेबसाइटला भेट देऊन वयोमर्यादेतील सवलतींबद्दल माहिती मिळवू शकतात.

या रिक्त पदासाठी अर्ज करणाऱ्या सामान्य, ओबीसी, ईडब्ल्यूएस श्रेणीतील उमेदवारांना ७९५ रुपये अर्ज शुल्क भरावे लागतील. तर अपंग, माजी सैनिक आणि अनुसूचित जाती/जमाती प्रवर्गातील उमेदवारांना २९५ रुपये शुल्क भरावे लागेल.