सीबीएसई परीक्षेत उत्तीर्ण होण्यासाठी लागणार 'एवढे' गुण

एज्युवार्ता न्यूज नेटवर्क 

केंद्रीय माध्यमिक शिक्षण मंडळाच्या (Central Board of Secondary Education) CBSE च्या 10 वी आणि 12 वीच्या बोर्डाच्या परीक्षांच्या वेळापत्रकाची विद्यार्थी आतुरतेने वाट बघत आहेत. अशातच आता या परीक्षा उत्तीर्ण होण्यासाठी आवश्यक किमान गुण (Minimum score required to pass the exam) आणि टॉपर्स लिस्ट (topers list) यासंदर्भात महत्वाची माहिती समोर आली आहे. 

मीडिया रिपोर्टनुसार, बोर्ड परीक्षा 2025 साठी विद्यार्थ्यांची गुणवत्ता यादी आणि विभागनिहाय गुण प्रसिद्ध करणार नाही. मागील वर्षाप्रमाणेच बोर्ड यंदादेखील टॉपर्सची यादी आणि विद्यार्थ्यांची विभाग निहाय गुण देखील जाहीर केली जाणार नाही. महत्वाचे म्हणजे CBSE बोर्ड परीक्षा 2025 ला बसलेल्या विद्यार्थ्यांना परीक्षेत उत्तीर्ण होण्यासाठी किमान 33 टक्के गुण मिळणे आवश्यक आहे. 

प्रत्येक विषयात वैयक्तिक उत्तीर्ण होण्याबरोबरच विद्यार्थ्यांना एकूण ३३ टक्के गुण मिळवावे लागतील. याशिवाय बोर्डाने या शैक्षणिक वर्षापासून निकालाच्या बाबतीत आणखी एक बदल केला आहे. मीडिया रिपोर्टनुसार, यावर्षापासून बोर्ड विद्यार्थ्यांना कोणतेही  डिविजन किंवा डिस्टिक्षण देणार नाही.   

दरम्यान, बोर्ड लवकरच नोव्हेंबरच्या अखेरीस 10 वी आणि 12 वी बोर्डाच्या परीक्षांचे वेळापत्रक प्रसिद्ध करू शकते. बोर्डाने अद्याप  कोणतीही अधिकृत अधिसूचना प्रसिद्ध केलेली नाही, परंतु सीबीएसईच्या पूर्वीच्या अधिसूचनांच्या आधारे परीक्षेच्या तारखेचा अंदाज लावला जात आहे.