असा असेल CUET UG 2024 परीक्षेचा पॅटर्न...

एज्युवार्ता न्यूज नेटवर्क 

कॉमन युनिव्हर्सिटी एंट्रन्स टेस्ट (CUET) UG 2024 परीक्षा येत्या 15 मे पासून सुरु होणार आहे. CUET UG ही परीक्षा शैक्षणिक सत्र 2024 साठी केंद्रीय आणि सहभागी विद्यापीठांमधील UG अभ्यासक्रमांमध्ये प्रवेशासाठी घेतली जाणार आहे. या परीक्षेत यंदा नॅशनल टेस्टिंग एजन्सी (NTA) कडून काही महत्वपूर्ण बदल करण्यात आले आहेत. 

NTA केंद्रीय आणि इतर सहभागी विद्यापीठे/संस्थांमधील पदव्युत्तर अभ्यासक्रमांमध्ये प्रवेश घेऊ इच्छिणाऱ्या विद्यार्थ्यांसाठी CUET UG 2024 परीक्षा आयोजित करते. यावर्षी CUET UG परीक्षा हायब्रीड पद्धतीने घेतली जाईल, म्हणजेच परीक्षा ऑनलाइन आणि ऑफलाइन अशा दोन्ही पद्धतींमध्ये घेतली जाईल. जास्त नोंदणी असलेल्या विषयांसाठी, OMR शीट वापरून परीक्षा ऑफलाइन पद्धतीने घेतली जाईल. या बदलामुळे उमेदवारांना त्यांच्या घराजवळ परीक्षा देण्याची सुविधा मिळणार आहे.

CUET UG परीक्षा 13 भाषांमध्ये घेतली जाईल. यामध्ये देशातील सर्व परीक्षा केंद्रावर इंग्रजी  भाषेत परीक्षा घेतली जाईल. याशिवाय त्या त्या राज्यातील स्थनिक भाषेत परीक्षा देता येईल. या नियमानुसार महाराष्ट्रातील विद्यार्थी इंग्रजी आणि मराठी यापैकी एका भाषेत परीक्षा देऊ शकतील.

प्रत्येक भाषा विषयात 50 पैकी 40 प्रश्न सोडवावे लागतील. सामान्य ज्ञान परीक्षेत 60 पैकी 50 प्रश्न सोडवावे लागतील. गणित, लेखाशास्त्र, भौतिक, रसायन शास्त्र, अर्थशास्त्र, संगणक या विषयांसाठी 60 मी. चा वेळ असेल तर इतर विषयांच्या परीक्षेसाठी 45 मी. वेळ देण्यात आला आहे.