कोल्हापूर विद्यापीठातील शिवरायांच्या पुतळ्याचा सुवर्ण महोत्सव 

एज्युवार्ता न्यूज नेटवर्क 

कोल्हापूर येथील शिवाजी विद्यापीठाच्या (Shivaji University Kolhapur) प्रवेशद्वारात उभारलेल्या छत्रपती शिवाजी महाराज यांच्या अश्वारूढ पुतळ्याच्या उभारणीला १ डिसेंबर रोजी ५० वर्षे पूर्ण होत आहेत. त्याअनुषंघाने विद्यापीठ प्रशासनाच्या वतीने १  डिसेंबर रोजी शिवरायांच्या पुतळ्याचा सुवर्ण महोत्सव साजरी (Golden Jubilee Celebration) करण्यात येणार आहे. विद्यापीठाची स्थापना झाल्यानंतर ज्यांच्या नावाने हे विद्यापीठ सुरू आहे. त्या छत्रपती शिवाजी महाराज यांचा पुतळा विद्यापीठात असावा,अशी भावना पहिले कुलगुरू डॉ. अप्पासाहेब पवार (First Vice Chancellor Dr. Appasaheb Pawar) यांची झाली. 

तत्कालिन कुलगुरू डॉ. अप्पासाहेब पवार यांची शिवरायांचा पुतळा उभारण्याची इच्छा झाली. त्यातून त्यांनी १९७० मध्ये जाहिरात देऊन पुतळ्याचे मॉडेल्स मागविले. यामध्ये बी. आर. खेडकर यांचे मॉडेल्स त्यांना आवडले. त्यानुसार पुतळा तयार करण्यास सुरुवात झाली.  त्यानंतर  १ डिसेंबर १९७४ रोजी देशाचे परराष्ट्र मंत्री यशवंतराव चव्हाण व मुख्यमंत्री वसंतराव नाईक यांच्या हस्ते छत्रपती शिवाजी महाराज यांच्या पुतळ्याचे अनावरण करण्यात आले.

पुण्यातील शिल्पकार बी.आर. खेडकर यांनी उभारलेल्या या पुतळ्याने विद्यापीठासह कोल्हापूर शहराच्या सौंदर्यात अन् अस्मितेतही मोलाची भर घातली आहे. शिवाजी विद्यापीठाच्या प्रांगणातील छत्रपती शिवाजी महाराज यांचा अश्वारूढ पुतळा हे सगळ्यांचे ऊर्जास्थान आहे. शिल्पकार बी. आर. खेडकर यांनी तत्कालीन कुलगुरूंच्या मार्गदर्शनाखाली एका अप्रतिम पुतळ्याची निर्मिती केली आहे. हा पुतळा म्हणजे लाखो विद्यार्थी, प्राध्यापक व कर्मचाऱ्यांसाठी प्रेरणास्रोत असल्याचे मत सध्याचे कुलगुरू डॉ. शिर्के व्यक्त केले आहे.