गोपाळकाला, गणपती विसर्जनला यंदा कार्यालयीन सुट्टी नाही; शासन निर्णय जाहीर

एज्युवार्ता न्यूज नेटवर्क

यंदा गोपालकाला आणि गणपती विसर्जन (Gopalakala and Ganpati Visarjan) या दोन्ही दिवशी राज्य शासकीय व निमशासकीय कार्यालयांना सुट्टी (No holiday for government and semi-government offices) देण्यात आली नाही. त्याबाबतचे शुद्धीपत्रक सामान्य प्रशासन (General Administration Department) विभागाने प्रसिद्ध (Government decision published) केले आहे. त्यामुळे आता राज्य सरकारी कर्मचाऱ्यांच्या काय प्रतिक्रिया उमटतात हे पाहाणे महत्त्वाचे ठरणार आहे. सध्या हे आदेश केवळ मुंबई शहर व मुंबई उपनगर या दोन्ही जिल्ह्यांसाठी लागू करण्यात आले आहेत.

सामान्य प्रशासन विभागाने काढलेल्या शासन निर्णयानुसार, सन २०२५ या वर्षातील गोपाळकाला (दहीहंडी) (दिनांक १६ ऑगस्ट, २०२५) व अनंत चतुर्दशी (दिनांक ६ सप्टेंबर, २०२५) या ऐवजी नारळी पौर्णिमा (दिनांक ८ ऑगस्ट, २०२५) व ज्येष्ठगौरी विसर्जन (दिनांक २ सप्टेंबर, २०२५) निमित्ताने स्थानिक सुट्टी मुंबई शहर व मुंबई उपनगर जिल्ह्यातील राज्य शासकीय / निमशासकीय कार्यालयांना जाहीर करण्यात आली आहे.

हे आदेश मुंबई शहर व मुंबई उपनगर जिल्ह्यातील राज्य शासकीय/निमशासकीय कार्यालयांना लागू राहतील. वरील स्थानिक सुट्टी शासन निर्णय क्रमांक पी अॅन्ड एस. नंबर पी-१३/II/बी, दिनांक ५ नोव्हेंबर, १९५८ मधील तरतूदीनुसार जाहीर करण्यात येत असल्याचे सामान्य प्रशासन विभागाने म्हटले आहे.