Priyadarshani Schools : संस्थापक दिनानिमित्त जीवनगौरव व समाजरत्न पुरस्कारांची घोषणा
प्रियदर्शनी स्कुल्सचे संस्थापक कै. इंद्रमन सहदेव सिंह यांच्या स्मृतीनिमित्त दरवर्षी 'संस्थापक दिन' साजरा केला जातो. यानिमित्त प्रियदर्शनी ग्रुपमधील सर्व शाळांमध्ये विविध उपक्रमांचे आयोजन करण्यात येते.
eduvarta@gmail.com 
एज्युवार्ता न्यूज नेटवर्क
प्रियदर्शनी ग्रुप ऑफ स्कुल्सचे (Priyadarshani Group of Schools) संस्थापक कै. इंद्रमन सहदेव सिंह यांच्या स्मरणार्थ शैक्षणिक व सामाजिक क्षेत्रात उत्तुंग कामगिरी केलेल्या व्यक्तींना जीवनगौरव (Lifetime Achivement Award) तसेच समाजरत्न पुरस्कार देऊन सन्मानित केले जाणार आहे. ‘प्रियदर्शनी’च्या वतीने यंदा येत्या १४ जुलै रोजी 'संस्थापक दिन' (Founders Day) साजरा केला जाणार आहे. त्यानिमित्त आयोजित कार्यक्रमात मान्यवरांचा गौरव करण्यात येणार आहे.
प्रियदर्शनी स्कुल्सचे संस्थापक कै. इंद्रमन सहदेव सिंह (Indraman Sahdev Singh) यांच्या स्मृतीनिमित्त दरवर्षी 'संस्थापक दिन' साजरा केला जातो. यानिमित्त प्रियदर्शनी ग्रुपमधील सर्व शाळांमध्ये विविध उपक्रमांचे आयोजन करण्यात येते. संस्थेच्या भोसरी, इंद्रायणी नगर, मोशी, आळंदी, चाकण, शिवाजीनगर आणि वानवडी याठिकाणी शाळा आहे. या शाळांमध्ये यंदा टेड टॉक, गीत गायन व नृत्य, स्टॅंड अप कॉमेडी, इन्व्हेन्शन्स असे विविध कार्यक्रम घेतले जात आहेत. विद्यार्थ्यांचा या उपक्रमास उत्स्फुर्त प्रतिसाद मिळत आहे.
विद्यार्थ्यांनो, लवकरच उघडणार ‘जादुई पिटारा’; खेळांच्या माध्यमातून घ्या शिकण्याचा आनंद
संस्थापक दिनानिमित्त प्रियदर्शनी ग्रुपकडून सामाजिक व शैक्षणिक क्षेत्रातील विविध मान्यवरांना सन्मानित केले जाते. सामाजिक जबाबदारीचे भान ठेऊन शैक्षणिक आणि सामाजिक क्षेत्रात ठसा उमटवलेल्या, समाजासाठी झोकून देत काम करणाऱ्या व्यक्तींचा गौरव करण्यात येतो. या पुरस्कारांमधून इतरांनाही काम करण्याची प्रेरणा मिळावी, हा त्यामागचा उद्देश आहे.
यावर्षी तीन मान्यवरांना जीवनगौरव पुरस्काराने सन्मानित केले जाणार आहे. त्यामध्ये ज्ञानेश्वर लांडगे, विष्णुपंत फुगे आणि महादेव अण्णा गव्हाणे यांचा समावेश आहे. तर १२ मान्यवरांना समाजरत्न पुरस्कार दिला जाणार आहे. येत्या १४ जुलैला पिंपरी येथील आचार्य अत्रे रंगमंदिर या ठिकाणी हा कार्यक्रम होणार आहे.
समाजरत्न पुरस्कार प्राप्त मान्यवरांची नावे -
बबनराव रामचंद्र बोराटे, प्रताप मोहिते, दशरथ राघु बोराटे, कैलास दुधाळे, बापूसाहेब कुऱ्हाडे, दिलीप सावंत, दिनकर टेमकर, सुनील कुऱ्हाडे, विनायक पाटील, संजय बबन गायखे, ज्ञानेश्वर थोरवे
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
https://chat.whatsapp.com/Ib9LP2jUnnXAQpcKKJ5nWD
