देशातील एक तृतियांश विद्यार्थी घेतात खाजगी शिकवणी; सर्वेक्षणातून उघड

एज्युवार्ता न्यूज नेटवर्क

देशाच्या शिक्षण क्षेत्रावर प्रकाश टाकणारी महत्त्वाची बातमी समोर आली आहे. देशातील तब्बल एक तृतियांश (One third of the country students) म्हणजेच प्रत्येक तिसरा विद्यार्थी खासगी शिकवणी (Private tutoring student) घेत असल्याचे केंद्र सरकारच्या एक सर्वेक्षणातून (Central Government Education Survey) समोर आले आहे. शहरी भागात तर हा एक ट्रेंडच बनला आहे. यावरून सरकारी शाळांमध्ये विद्यार्थ्यांना शिक्षकांकडून योग्यप्रकारे शिकवले जात नसल्याचेच समोर आले असून विद्यार्थ्यांचे भविष्य अंधारात आले आहे. त्यामुळे राष्ट्रीय शिक्षण धोरण (National Education Policy Failed) फेल ठरल्याचेच दिसून येत आहे. 

रेल्वेत नोकरीची मोठी संधी! 2 हजार 865 जागांसाठी अर्ज प्रक्रिया सुरू

केंद्र सरकारच्या सर्वेक्षणांतर्गत शहरी भागात 30 टक्के तर ग्रामीण भागात 25.5 टक्के विद्यार्थी खासगी शिकवणी घेत आहेत. 52 हजार 85 घरे आणि 57 हजार 742 विद्यार्थ्यांच्या मुलाखतींद्वार सरकारने खासगी शिकवणी घेत असलेल्या विद्यार्थ्यांचा डेटा मिळवला आहे. ग्रामीण भागापेक्षा शहरी भागात खासगी शिकवणीवर भरमसाट खर्च करण्यात येत असल्याचे या सर्वेक्ष णातून समोर आले आहे.

केंद्र सरकारच्या वतीने नुकत्याच करण्यात आलेल्या सर्वेक्षणातून ही धक्कादायक बाब उघड झाली आहे. देशभरातील सरकारी शाळा विद्यार्थ्यांना शिक्षण देण्यात अतिशय महत्त्वपूर्ण भूमिका निभावत आहेत. देशभरातील सरकारी शाळांमध्ये एकूण 55.9 टक्के विद्यार्थ्यांनी प्रवेश घेतले आहेत. त्यामध्ये ग्रामीण भागात 66.0 टक्के विद्यार्थी सरकारी शाळेत शिक्षण घेत आहेत तर शहरी भागात 30.1 टक्के विद्यार्थी सरकारी शाळांमध्ये शिकत आहेत. तर खासगी विनाअनुदानित शाळांमध्ये 31.9 टक्के विद्यार्थी शिक्षण घेत आहेत.