केंद्रीय विद्यालयात प्रवेश प्रक्रिया आजपासून सुरू, प्रवेशाचे वेळापत्रक जाहीर

एज्युवार्ता न्यूज नेटवर्क

केंद्रीय विद्यालय (KVS) प्रवेश प्रक्रियेची वाट पाहणाऱ्या पालकांसाठी महत्त्वाची अपडेट समोर आली आहे. केंद्रीय विद्यालय संघटनने (Kendriya Vidyalaya Sanghatan) शैक्षणिक वर्ष २०२६-२७ साठी प्रवेशाची (Admission for academic year 2026-27) नियमावली आणि अधिकृत वेळापत्रक जाहीर (Schedule Announced) केले आहे. यंदाही इयत्ता पहिली आणि बालवाटिका (नर्सरी, ज्युनीयर केजी, सीनियर केजी) प्रवेशासाठी आज शुक्रवार २० मार्च २०२६ पासून  (Admission Process Started)ऑनलाईन प्रक्रिया राबवण्यात येत आहे.

इयत्ता पहिली आणि त्याआधीचे नर्सरी, ज्युनीयर केजी, सीनियर केजी वर्ग यासाठी ऑनलाईन नोंदणी २० मार्च २०२६ पासून सुरू होईल. अर्ज करण्याची अंतिम तारीख २ एप्रिल २०२६ असेल. तर इयत्ता दुसरी आणि त्यापुढील वर्गांसाठी ऑफलाईन पद्धतीने अर्ज स्वीकारले जाणार आहेत.

इयत्ता दुसरी आणि त्यापुढील वर्गासाठी रिक्त जागांच्या उपलब्धतेनुसार ऑफलाईन अर्ज प्रक्रिया २ एप्रिल ते ८ एप्रिल २०२६ दरम्यान राबवली जाईल.
नवीन सत्राची सुरुवात इयत्ता दुसरी व त्यापुढील वर्गांचे शिक्षण १ एप्रिल २०२६ पासून, तर पहिली व बालवाटिकाचे वर्ग २० एप्रिल २०२६ पासून सुरू होतील.

केंद्रीय विद्यालय प्रवेशासाठी वयोमर्यादा निश्चित करण्यात आली आहे. त्यानुसार, नर्सरी प्रवेशासाठी पाल्याचे वय ३ ते ४ वर्षाच्या दरम्यान असणे आवश्यक आहे. ज्युनीयर केजी साठी ४ ते ५ वर्षे आवश्यक आहे. तर सीनियर केजी साठी ५ ते ६ वर्षे वय असणे आवश्यक आहे. इयत्ता पहिली ६ वर्षे पूर्ण असावे. वयोमर्यादेची गणना करण्यासाठी ३१ मार्च २०२६ ही तारीख ग्राह्य धरण्यात येणार आहे. 

आवश्यक कागदपत्रे 

यंदा कागदपत्रांच्या तपासणीबाबत कडक सूचना देण्यात आल्या आहेत. त्यामुळे पालकांकडे आवश्यक कागदपत्रे असणे गरजेचे आहे. यामध्ये पाल्याचा जन्म दाखला, निवासाचा प्रुफ असलेले प्रमाणपत्र, सर्व्हिस सर्टिफिकेट (सरकारी कर्मचाऱ्यांसाठी),  जातीचा दाखला (लागू असल्यास), अपंगत्व प्रमाणपत्र (लागू असल्यास), EWS श्रेणीसाठी रेशन कार्ड किंवा बीपीएल कार्ड आवश्यक आहे.