मुख्यमंत्र्याची लेक दहावीत पास, आईने सांगितले किती टक्के मिळाले.. 

एज्युवार्ता न्यूज नेटवर्क

काऊन्सिल फॉर द इंडियन स्कूल सर्टिफिकेट  एक्झामिनिशनने (CISCE) बुधवारी 30 एप्रिल रोजी सकाळी 11 वाजता ICSE दहावीचा निकाल जाहीर (10th class result announced) केला. या परीक्षेत मुख्यमंत्री देवेंद्र फडणवीस (CM Devendra Fadnavis) यांच्या लेकीने घवघवीत यश संपादन केले आहे. तिच्या निकालाची पोस्ट अमृता फडणवीस (Amrita Fadnavis post share) यांनी एक्स या सोशल मिडिया अकाउंटवर शेअर केली आहे. आमची सुकन्या दिविजा ही १०वी च्या बोर्ड परीक्षेत ९२.६० टक्के गुण मिळवून उत्तीर्ण झाली आहे, असे त्यांनी म्हटले आहे. 

सर्वांना अक्षय तृतीयेनिमित्त हार्दिक शुभेच्छा. आजच्या शुभमुहूर्तावर वर्षा या निवासस्थानी आम्ही छोटीशी पूजा संपन्न करीत गृहप्रवेश केला. आजच्या दिवशीची आणखी एक अत्यंत आनंदाची बातमी आपल्या सर्वांना सांगताना  मन खुशीने भरून गेलंय, आमची सुकन्या दिविजा ही १०वी च्या बोर्ड परीक्षेत ९२.६० टक्के गुण मिळवून उत्तीर्ण झाली आहे, अशी पोस्ट करत अमृता फडणवीस यांनी आपल्या लेकीचे कौतूक केल्याचे पाहायला मिळत आहे. 

यंदा सीआयएससीई बोर्डाच्या दहावी परीक्षेत उत्तीर्ण होणाऱ्या विद्यार्थ्यांची टक्केवारी 99.09 इतकी नोंदवली गेली आहे. आयसीएसई दहावीत पुन्हा एकदा मुलींनी बाजी मारली आहे. मुली उत्तीर्ण होण्याचे प्रमाण 99.37% असल्याने मुलींचे सगळीकडून कौतुक होताना दिसतंय. त्याचवेळी मुलांचा उत्तीर्ण होण्याचा टक्का 98.84% इतका आहे. यावर्षी सुमारे अडीच लाख विद्यार्थ्यांनी परीक्षा दिली. आयसीएसई दहावीच्या परीक्षा 18 फेब्रुवारी ते 27 मार्च दरम्यान झाल्या होत्या. बऱ्याच प्रतीक्षेनंतर आता निकाल जाहीर झालाय.

https://x.com/fadnavis_amruta