महानिर्मिती कंपनीकडून तंत्रज्ञ-3 पदांच्या अर्ज प्रक्रियेची तारीख बदलली

एज्युवार्ता न्यूज नेटवर्क 

महाराष्ट्र स्टेट पॉवर जनरेशन कंपनी लिमिटेड (Maharashtra State Power Generation Company Limited) (महानिर्मिती) अंतर्गत “तंत्रज्ञ-3” पदांच्या एकूण 800 रिक्त जागा भरण्यासाठी १० ऑक्टोबर रोजी प्रसिद्ध करण्यात आली होती. जाहिरातीनुसार सरळसेवा भरती अंतर्गत ऑनलाईन अर्ज सादर (Submit online application) करावयाची लिंक दि. २६ ऑक्टोबर रोजी प्रसिद्ध करण्यात येईल, असे नमूद करण्यात आले होते. मात्र, आता त्यामध्ये बदल करण्यात आलेला असून, बदललेल्या वेळापत्रकानुसार अर्ज करण्याची लिंक २६ नोव्हेंबर रोजी सक्रिय (Application link active on 26 November) केली जाणार आहे. त्यामुळे अर्ज भरण्याच्या प्रतीक्षेत असलेल्या तरूणांना आणखीन एक महिना वाट पाहावी लागणार आहे. 

सद्यस्थितीत महाराष्ट्र विधानसभा निवडणूक, २०२४ च्या अनुषंगाने निवडणूक आयोगाकडून दिनांक १५ ऑक्टोबर   २५ नोव्हेंबरपर्यंत आदर्श आचारसंहिता लागू करण्यात आली  आहे. त्यामुळे तंत्रज्ञ-३ या पदाच्या सरळसेवा भरतीसाठी ऑनलाईन अर्ज सादर करण्याची लिंक ही महानिर्मिती कंपनीच्या संकेतस्थळावर दि. २६ ऑक्टोबर ऐवजी दिनांक २६ नोव्हेंबर रोजी पासून उपलब्ध करून देण्यात येईल असे, प्रसिद्ध केलेल्या शुद्धीपत्रकात म्हटले आहे. 

पदांनुसार पात्र असणाऱ्या उमेदवारांकडून अर्ज मागविण्यात येत आहेत. अर्ज ऑनलाईन पद्धतीने करायचा आहे. अर्ज प्रक्रिया सुरू झाली असून, अर्ज करण्याची शेवटची तारीख 26 नोव्हेंबर 2024 आहे. महाराष्ट्र राज्य वीज निर्मिती कंपनी मध्ये भरती होण्यासाठी खुल्या प्रवर्गातील उमेदवारांना 18 वर्ष ते 38 वर्ष असे वयोमर्यादा दिली गेली आहे. सरकारी नियमानुसार ओबीसी कॅटेगिरी च्या उमेदवारांना 3 वर्ष वयात सूट दिली जाणार आहे. तर मागासवर्गीय उमेदवारांना एससी/एसटी यांना 5 वर्ष वयात सूट दिली जाणार आहे. शैक्षण पात्रता, अर्ज शुल्क यासाठी अधिकृत संकेतस्थळावर माहिती देण्यात आली आहे.