RRB : कनिष्ठ अभियंता भरती सीबीटी-२ परीक्षा स्थगीत
अधिसूचनेनुसार, CEN 3/2024 (JE आणि इतर पदांसाठी) दुसऱ्या टप्प्यातील परीक्षा 19 आणि 20 मार्च 2025 रोजी होणार होती, जी आता पुढे ढकलण्यात आली आहे. आरआरबीने अद्याप नवीन परीक्षेची तारीख जाहीर केलेली नाही.
eduvarta@gmail.com 
एज्युवार्ता न्यूज नेटवर्क
रेल्वे भरती मंडळाने (Railway Recruitment Board) RRB कनिष्ठ अभियंता भरती परीक्षेसंदर्भात महत्वाची माहिती समोर येत आहे. RRB ने त्यांची JE स्टेज II परीक्षा पुढे ढकलली आहे. (JE Stage II exam has been postponed) या परीक्षेला बसणाऱ्या उमेदवारांना आता परीक्षेसाठी नवीन तारखेची वाट पहावी लागेल. बोर्डाने प्रसिद्ध केलेल्या अधिसूचनेत म्हटले आहे की, 'परीक्षेची नवीन तारीख लवकरच अधिकृत वेबसाइटवर rrbcdg.gov.in प्रसिद्ध केली जाईल.'
रेल्वे भरती मंडळाने एक अधिसूचना प्रसिद्ध करून ही माहिती दिली आहे. अधिसूचनेनुसार, CEN 3/2024 (JE आणि इतर पदांसाठी) दुसऱ्या टप्प्यातील परीक्षा 19 आणि 20 मार्च 2025 रोजी होणार होती, जी आता पुढे ढकलण्यात आली आहे. आरआरबीने अद्याप नवीन परीक्षेची तारीख जाहीर केलेली नाही.
अधिसूचनेनुसार, आता १९ आणि २० मार्च २०२५ रोजी, CEN क्र. ०१/२०२४ रोजी असिस्टंट लोको पायलट CBT-II परीक्षा घेतली जाईल. याशिवाय CEN क्र. RPF ०२/२०२४ RPF कॉन्स्टेबल (कार्यकारी) २ ते २० मार्च २०२५ दरम्यान आयोजित केले जाईल.
दरम्यान, आरआरबी ज्युनियर इंजिनिअर टियर-१ चा निकाल अद्याप प्रसिद्ध झालेला नाही. रेल्वे भरती मंडळ चंदीगड कडून आलेल्या महितीनुसार, आरआरबी ज्युनियर इंजिनिअर टियर-१ चा निकाल लवकरच जाहीर केला जाईल. निकाल ऑनलाइन पद्धतीने जाहीर केले जातील. CBT-1 गुणवत्ता यादीत स्थान मिळवणारे उमेदवारच भरतीच्या पुढील टप्प्यात म्हणजेच CBT 2 परीक्षेत बसण्यास पात्र मानले जातील.
