ना टाइपिंग ना कीबोर्डचा वापर ; भलेमोठ्ठे डॉक्युमेंट काही मिनिटांत टेक्स्ट मध्ये कन्व्हर्ट 

एज्युवार्ता न्यूज नेटवर्क

वर्षभर कॉलेज (College) कॅम्पस मधील धमाल, मस्ती, ग्रुप स्टडिज, या गोष्टींचा आनंद घेतल्यानंतर आता गंभीरपणे अभ्यास करण्याची वेळ आली आहे. कारण आता महाविद्यालयीन परीक्षा जवळ आल्या आहेत. त्यामुळे आता विद्यार्थ्यांची नोट्स पूर्ण करण्याची लगबग सुरु होते. नोट्स पूर्ण करण्यासाठी असलेला वेळ आणि नोट्सची संख्या यांचा ताळमेळ राखण्यासाठी विद्यार्थ्यांना रात्र रात्र जागून लिखाण काम करावे लागते. पण आता या विद्यार्थ्यांचा ताण कमी करण्यासाठी नवीन तांत्रिक उपाय समोर आला आहे. 

शिक्षणविषयक ताज्या बातम्यांसाठी येथे क्लिक करा. http://eduvarta.com/ 

या तीन उपायांचा वापर करून आपण कोणत्याही लेखी साहित्याचा किंवा इमेजला डिजिटल टेक्स्ट मध्ये कॉन्व्हर्ट करता येऊ शकते ते सुद्धा कीबोर्ड चा वापर न करता. चलातर जाणून घेऊयात या तीन सोप्या पद्धती.

पहिल्या पद्धतीमध्ये तुम्ही तुमच्या हस्त लिखित डॉक्युमेंटचा फोटो काढा. ती इमेज गूगल ड्राईव्ह वर अपलोड करा. राईट क्लिक करा. आणि ओपन विथ गुगल डॉक्स वर क्लिक करा. यानंतर तुम्हाला तुमचे लेखी साहित्य डिजिटल टेक्स्ट च्या रूपात कन्व्हर्ट झालेले दिसेल. 

दुसरी पद्धत या मध्ये '  Tini wow' या वेबसाईटवर क्लिक करायचे आहे. तिथे ' image ' या ओप्टिव वर क्लिक करायचे आहे. नंतर ' image with text ' या ऑप्शन वर क्लिक करायचे आहे. असे केल्यानंतर त्या ठिकाणी तुमच्या लेखी डॉक्युमेंटची इमेज अपलोड करायची आहे. त्यानंतर तुम्हाला दिसेल की तुमच्या जवळचे लेखी डॉक्युमेंट जसे च्या तसे टेक्स्ट मध्ये कन्व्हर्ट झालेले आहे. 

तिसऱ्या पद्धतीत आपल्या कॉप्म्युटरमध्ये MS WORD ओपन करा. आणि ' विंडोज प्लस एस ' क्लिक करा. आणि तुमचे लेखी डॉक्युमेंट ला वाचायला सुरवात करा. तुम्ही जसे जसे ते डॉक्युमेंट वाचू लागलं तसतसे त्याचे टेक्स्ट मध्ये रूपांतर होत राहील. 

या तीन सोप्या पद्धतीने तुम्ही तुमचे हस्तलिखित अगदी सहज डिजिटल टेक्स्ट मध्ये कन्व्हर्ट करू शकता. विशेष म्हणजे फक्त महाविद्यालयीन विद्यार्थीच नव्हे तर माध्यमिक शाळेतील विद्यार्थी, लेखक, शिक्षक, प्राध्यापक असे कुणीही जे लेखनाशी संबंधित काम करतात, ज्यांना त्यांच्याकडे उपलब्ध असलेले लेखी डॉक्युमेंट डिजिटल टेक्स्ट मध्ये सेव्ह करायचे आहे, किंवा कुणाला पाठवायचे आहे. असे सर्व जण या पद्धतीचा वापर करू शकतात.