धक्कादायक : मित्रानेच शाळकरी मैत्रिणीला पेट्रोल ओतून पेटवले

एज्युवार्ता न्यूज नेटवर्क 

अंधेरी पूर्व येथील एमआयडीसी (Andheri East Crime News) परिसरात धक्कादायक घटना घडली आहे. एका ३० वर्षीय व्यक्तीने आपल्या १७ वर्षीय शाळकरी मैत्रिणीची हत्या करण्याचा प्रयत्न केला आहे. आरोपीने तिच्या अंगावर पेट्रोल टाकून तिला पेटवून (Schoolgirl set on fire by pouring petrol) दिले. स्थानिकींच्या सतर्कतेमुळे सुदैवाने ही मुलगी वाचली आहे. मात्र,  या घटनेत ही मुलगी ६० टक्के भाजली (The girl suffered 60 percent burns) असून रुग्णालयात सध्या मृत्यूशी झुंज देत आहे. स्थानिकांनी वेळीच लक्ष दिले नसते तर मोठा अनार्थ घडला असता. 

पीडित मुलगी ही दहावीत शिकणारी विद्यार्थिनी असून ती अंधेरी पूर्वेकडील रहिवासी आहे. तिला जीवे मारण्याचा प्रयत्न करणारा आरोपीही याच परिसरात राहतो. पोलिसांनी दिलेल्या माहितीनुसार, गेल्या दीड वर्षापासून दोघे वारंवार भेटून एकत्र वेळ घालवत होते. 

स्थानिकांनी त्यांना अनेकवेळा पकडले आणि मुलीच्या पालकांना कळवले. स्थानिकांच्या तक्रारीनंतर मुलीच्या आई-वडिलांनी तिला समज देत तिचे आरोपीला भेटणे बंद करण्याचा प्रयत्न केला. त्यामुळे मुलगी त्याला भेटत नसल्याचा राग मनात धरून आरोपीने तिला जिवे मारण्याचा प्रयत्न केला. 

सोबत पेट्रोल घेऊन आलेला आरोपी रात्री साडेदहाच्या सुमारास पीडित मुलीच्या घराबाहेर आला. त्याने तिला बाहेर बोलावले. तेव्हा त्यांच्यात वाद झाला. यावेळी आरोपीने सोबत आणलेल्या बाटलीतले पेट्रोल तिच्यावर टाकत आग लावली. या घटनेची माहिती स्थानिकांना मिळताच त्यांनी मुलीला वाचविण्याचा प्रयत्न केला असून त्यामध्ये त्यांना काही प्रमाणात यश आले आहे. आगीत आरोपीचे हातदेखील भाजले आहेत. पालकांनी यावेळी पोलिसांना घटनेची माहिती देत मुलीला तात्काळ जवळच्या कूपर रुग्णालयात दाखल केले. तिची प्रकृती गंभीर आहे असून तिच्यावर सध्या उपचार चालू आहेत.