शिक्षकांमध्ये गुणवत्ता वाढीसाठी 'टीचर ॲप' चे उद्घाटन
ॲप मध्ये अभ्यासक्रम, लर्निंग बाइट्स, शॉर्ट व्हिडिओ, पॉडकास्ट आणि इंटरएक्टिव्ह वेबिनार फॉरमॅट्स जसे की थीमॅटिक फेस्टिव्हल, वेबिनार, स्पर्धा आणि क्विझ आदीचा समावेश आहे.
eduvarta@gmail.com 
एज्युवार्ता न्यूज नेटवर्क
शिक्षकांना भविष्यासाठी तयार करणे, त्यांना अद्ययावत कौशल्यांसह सुसज्ज करून भारतातील शिक्षणात क्रांती घडवून आणण्याच्या दृष्टीने केंद्र सरकारकडून 'टीचर ॲप' (Teacher app) तयार करण्यात आले आहे. या ॲपचे उद्घाटन केंद्रीय शिक्षण मंत्री धर्मेंद्र प्रधान यांच्या हस्ते झाले (education minister unveils teacherapp to equip educators with future ready skills) .
'टीचर ॲप' विनामूल्य असून वेब, iOS आणि Android वर उपलब्ध आहे, जे देशभरातील शिक्षकांसाठी प्रवेश सुनिश्चित करते. या ॲप मध्ये अभ्यासक्रम, लर्निंग बाइट्स, शॉर्ट व्हिडिओ, पॉडकास्ट आणि इंटरएक्टिव्ह वेबिनार फॉरमॅट्स जसे की थीमॅटिक फेस्टिव्हल, वेबिनार, स्पर्धा आणि क्विझ आदीचा समावेश आहे.
ॲप विषयी बोलताना प्रधान म्हणाले की, "या ॲपमध्ये क्षमता वाढ, नाविन्यपूर्ण अभ्यासक्रम सामग्री, तंत्रज्ञान आदी वैशिष्ट्यांचा समावेश आहे. जे शिक्षकांना लक्षणीयरीत्या सक्षम करेल. शिक्षक हेच खरे भावी पिढीला घडवतात आणि NEP 2020 च्या माध्यमातून सरकार त्यांच्या क्षमता निर्माण करण्यावर लक्ष केंद्रित करत आहे."
टीचर ॲप ची संकल्पना प्रत्यक्ष कामाचा अनुभव आणि शिक्षकांसमोरील आव्हानांची सखोल समज यावर आधारित आहे. हे व्यासपीठ त्यांना नाविन्यपूर्ण डिजिटल संसाधनांद्वारे भविष्यासाठी कौशल्यांसह सुसज्ज करेल.
