नोकरीची सुवर्णसंधी, 'बँक ऑफ बडोदा'मध्ये विविध पदासांठी भरती

एज्युवार्ता न्यूज नेटवर्क

बँकेत करिअर करू पाहाणाऱ्या उमेदवारांसाठी महत्त्वाची अपडेट समोर आली आहे. बँक ऑफ बडोदा (Bank of Baroda Recruitment) अंतर्गत गट प्रमुख, प्रादेशिक प्रमुख, वरिष्ठ व्यवस्थापक, संपत्ती रणनीतीकार पदांच्या एकूण १०४ रिक्त जागा (104 Vacancies) भरण्यात येणार आहेत. पदांनुसार इच्छुक आणि पात्र असणाऱ्या उमेदवारांकडून अर्ज मागविण्यात येत आहे. या भरतीसाठी उद्या २७ मार्च २०२६ पासून ऑनलाईन पद्धतीने अर्ज प्रक्रिया सुरू (Application process started) होणार आहे. उमेदवार बँकेचे अधिकृत संकेतस्थळ bankofbaroda.bank.in वर जाऊन अर्ज प्रक्रिया पुर्ण करु शकतात. अर्ज करण्याची अंतिम मुदत १६ एप्रिल (Deadline April 16) २०२६ देण्यात आली आहे. 

या भरती अंतर्गत गट प्रमुख -४ पदे, प्रादेशिक प्रमुख -७ पदे, वरिष्ठ व्यवस्थापक -७० पदे आणि संपत्ती रणनीतीकार -१३ पदे अशी एकूण १०४ पदे भरली जाणार आहेत. बँक ऑफ बडोदा या भरतीकरीता अर्ज करणाऱ्या उमेदवारांनी मान्यताप्राप्त विद्यापीठातून कोणत्याही शाखेची पदवी प्राप्त केलेली असणे आवश्यक आहे. तसेच पदानुसार ३ ते १० वर्षापर्यंत अनुभव असणे आवश्यक आहे. 

या भरती प्रक्रियेसाठी अर्ज करणाऱ्या सामान्य, ईडब्ल्यूएस आणि ओबीसी उमेदवारांसाठी ८५० रुपये अर्ज शुल्क आकरण्यात आला आहे. तर अनुसूचित जाती, जमाती, अपंग आणि महिला उमेदवारांसाठी १७५ रुपये अर्ज शुल्क भरावा लागेल. वयोमर्यादा किमान २४ असून कमाल ४५ पर्यंत वय असलेले उमेदवार यासाठी अर्ज करू शकतात. तसेच राखीव प्रवर्गातील उमेदवारांना सरकारी नोकरी नियमाप्रमाणे सूट देण्यात आली आहे. शैक्षणिक पत्रता आणि वयोमर्यादा ही पदावर अवलंबून असून त्यासाठी उमेदवारांनी बँक ऑफ बडोदाच्या अधिकृत संकेतस्थळाला भेट देणे आवश्यक आहे.