SBI कडून 600 पदांसाठी भरती;16 जानेवारीपर्यंत अर्ज करता येणार
स्टेट बँक ऑफ इंडियाची भरती प्रक्रिया अनेक टप्प्यात होणार आहे. यात प्राथमिक परीक्षा, मुख्य परीक्षा आणि सायकोमेट्रिक चाचणी/मुलाखत यांचा समावेश होतो. यशस्वीरित्या नोंदणी करणारे उमेदवार प्राथमिक परीक्षेसाठी त्यांची कॉल लेटर डाउनलोड करू शकतील.
eduvarta@gmail.com 
एज्युवार्ता न्यूज नेटवर्क
स्टेट बँक ऑफ इंडिया (State Bank of India) SBI ने प्रोबेशनरी ऑफिसर्स (Probationary Officers) PO 2025-26 सठी भरती अधिसूचना प्रसिद्ध केली आहे. तब्बल 600 पदांसाठी ही भरती (Recruitment for new 600 posts from SBI)प्रक्रिया राबवली जाणार आहे. अर्जाची प्रक्रिया 27 डिसेंबरपासून सुरू होईल. उमेदवार 16 जानेवारी 2025 पर्यंत ऑनलाइन अर्ज करू शकतात.
स्टेट बँक ऑफ इंडियाची भरती प्रक्रिया अनेक टप्प्यात होणार आहे. यात प्राथमिक परीक्षा, मुख्य परीक्षा आणि सायकोमेट्रिक चाचणी/मुलाखत यांचा समावेश होतो. यशस्वीरित्या नोंदणी करणारे उमेदवार प्राथमिक परीक्षेसाठी त्यांची कॉल लेटर डाउनलोड करू शकतील. कॉल लेटर फेब्रुवारी 2025 च्या तिसऱ्या किंवा चौथ्या आठवड्यात उपलब्ध होण्याची अपेक्षा आहे. प्राथमिक परीक्षा 8 मार्च आणि 15 मार्च 2025 रोजी घेतली जाईल.
या भरतीसाठी अर्ज करणारे उमेदवार मान्यताप्राप्त विद्यापीठ किंवा संस्थेतून कोणत्याही विषयात पदवीधर असणे आवश्यक आहे. या भरतीसाठी अर्ज करणाऱ्या उमेदवारांचे किमान वय २१ वर्षे असावे. कमाल वय ३० वर्षांपेक्षा जास्त नसावे. त्याचबरोबर राखीव प्रवर्गातील उमेदवारांना सरकारी नियमांनुसार वयात सवलत देण्यात येणार आहे.
अर्ज कसा करायचा
* SBI च्या अधिकृत वेबसाईट sbi.co.in वर जा.
* मुख्यपृष्ठावरील "करिअर" विभागात भरतीशी संबंधित लिंकवर क्लिक करा.
* विचारलेली माहिती भरून नोंदणी करा.
* उर्वरित तपशील भरल्यानंतर अर्ज भरा.
* विहित अर्जाची फी ऑनलाइन पद्धतीने भरा आणि फॉर्म सबमिट करा
अर्ज कसा करायचा
* SBI च्या अधिकृत वेबसाईट sbi.co.in वर जा.
* मुख्यपृष्ठावरील "करिअर" विभागात भरतीशी संबंधित लिंकवर क्लिक करा.
* विचारलेली माहिती भरून नोंदणी करा.
* उर्वरित तपशील भरल्यानंतर अर्ज भरा.
* विहित अर्जाची फी ऑनलाइन पद्धतीने भरा आणि फॉर्म सबमिट करा
