PCMC फायरमन रेस्क्युअर परीक्षेचे वेळापत्रक जाहीर..

एज्युवार्ता न्यूज नेटवर्क 

पिंपरी चिंचवड महापालिका भरती (Pimpri Chinchwad Municipal Recruitment) अंतर्गत घेण्यात येणाऱ्या फायरमन रेस्क्युअर (Fireman Rescuer) या पदाच्या ऑनलाईन परीक्षेकरीता प्रवेशपत्र जाहीर (Admit Card Announced) करण्यात आले आहेत. पीसीएमसीचे अधिकृत संकेतस्थळ www.pcmcindia.gov.in वर प्रवेशपत्रे उपलब्ध (Admit card available) करुन देण्यात येणार आहे. उमेदवारांना अर्ज क्रमांक व पासवर्ड टाकून ऑनलाईन परीक्षेचे प्रवेशपत्र डाऊनलोड करता येणार आहे.   

पीसीएमसीच्या संकेतस्थळावरुन ऑनलाईन परीक्षेचे प्रवेशपत्र उपलब्ध करुन घेणे, परीक्षेस वेळेवर उपस्थित राहणे ही संबंधित उमेदवारांची जबाबदारी आहे. संकेतस्थळावरील प्रवेशपत्र पाहिले नाही, अथवा डाऊनलोड केले नाही इत्यादी कारणे ऑनलाईन परीक्षेचे वेळेस विचारात घेतली जाणार नाहीत. याची सर्व उमेदवारांनी नोंद घ्यावी, अशा सूचना पीसीएमसी कडून देण्यात आल्या आहे. 

पिंपरी चिंचवड महानगरपालिकेतील आवश्यक असणारे गट ड संवर्गातील अग्निशमन विमोचक तथा फायरमन रेस्क्युअर पदांच्या एकूण १५० रिक्त जागांसाठी सरळसेवेने भरतीकरीता १६ मार्च २०२४ रोजी वर्तमानपत्रात जाहिरात प्रसिध्द केली आली होती. त्यासाठी पात्रताधारक उमेदवारांकडून ऑनलाईन अर्ज मागविण्यात आले होतो. मात्र, लोकसभा निवडणुकीमुळे परीक्षा लांबणीवर पडली. आता त्यासाठी प्रवेशपत्रे दिली जात असून २९ ऑगस्ट रोजी ऑनलाईन परीक्षा घेण्यात येणार आहे.