NEET MDS 2024: आरोग्य मंत्रालयाने केला पात्रता कट ऑफ कमी

एज्युवार्ता न्यूज नेटवर्क 

आरोग्य मंत्रालयाने मास्टर ऑफ डेंटल सर्जरीसाठी (MDS) राष्ट्रीय पात्रता सह प्रवेश परीक्षेची (NEET  2024) पात्रता कट-ऑफ टक्केवारी अधिकृतपणे कमी केली आहे. ही टक्केवारी श्रेणीनिहाय कमी करण्यात आली आहे. ही टक्केवारी कमी करण्याचा उद्देश आगामी MDS समुपदेशन (counseling) प्रक्रियेतील बहुतांश जागा भरणे हा आहे. 

आरोग्य मंत्रालयाने (Ministry of Health) सामान्य, SC, ST, OBC आणि UR-PWD यासह सर्व श्रेणींमध्ये NEET MDS ची पात्रता टक्केवारी 21. 692 टक्क्यांनी कमी केली आहे. मंत्रालयाने 17 सप्टेंबर रोजी रात्री उशिरा प्रसिद्ध केलेल्या अधिसूचनेद्वारे ही माहिती दिली आहे. ज्यामध्ये असे सांगण्यात आले आहे की, NEET MDS चा सुधारित कट ऑफ प्रसिद्ध करण्यात आला आहे त्यात महत्त्वाचे बदलही  करण्यात आले आहेत.

सामान्य श्रेणीसाठी सुधारित कट ऑफ 28.308 आहे, जो पूर्वी 50 टक्के होता. तर SC, ST, OBC साठी सुधारित कट ऑफ 18.308 करण्यात आला आहे, जो पूर्वी 40 टक्के होता. याशिवाय, UR-PWD चा सुधारित कट ऑफ 23.308 आहे, पूर्वी तो 45 टक्के होता.

अधिकृत अधिसूचनेनुसार, नॅशनल बोर्ड ऑफ एक्झामिनेशन इन मेडिकल सायन्सेसला (National Board of Examinations in Medical Sciences) सुधारित निकाल जाहीर करण्याचे निर्देश देण्यात आले होते. वैद्यकीय समुपदेशन समितीच्या नवीन कट ऑफच्या आधारे प्रवेश प्रक्रिया होणार आहे.