NMMS शिष्यवृत्ती परीक्षा अर्ज भरण्यास पुन्हा मुदतवाढ; अर्ज केला का ? विद्यार्थ्यांना शेवटची संधी
सुधारित वेळापत्रकानुसार उमेदवारांना आता १५ नोव्हेंबरपर्यंत नियमित शुल्कासह अर्ज दाखल करता येणार आहे. त्यानंतर कोणात्याही प्रकारे अर्ज भरता येणार नाही. त्यामुळे एनएमएमएस शिष्यवृत्ती परीक्षेसाठी अर्ज करणाऱ्या उमेदवारांना ही शेवटची संधी असणार आहे. अद्याप अर्ज न केलेल्या उमेदवारांनी आत्ताच आपला अर्ज भरावा.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेने (Maharashtra State Examination Council) राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना परीक्षा (National Scholarship Scheme Examination for Economically Weaker Students) (एनएमएमएस) अर्ज भरण्यास मुदतवाढ (Extension of application deadline) दिली आहे. सुधारित वेळापत्रकानुसार उमेदवारांना आता १५ नोव्हेंबरपर्यंत नियमित शुल्कासह अर्ज दाखल करता येणार आहे. त्यानंतर अर्ज भरता येणार नाही. त्यामुळे एनएमएमएस शिष्यवृत्ती परीक्षेसाठी अर्ज करणाऱ्या उमेदवारांना ही शेवटची संधी असणार आहे.राज्यभरातील विविध केंद्रांवर ही परीक्षा २२ डिसेंबर रोजी होणार आहे.
या शिष्यवृत्ती योजना परीक्षेची तारीख २२ डिसेंबर निश्चित केली असून, २०२४-२५ साठीच्या परीक्षेसाठी शाळा नोंदणी व विद्यार्थ्यांच्या अर्ज भरण्याची प्रक्रिया सुरू आहे. पाच ऑक्टोबरपासून सुरू असलेल्या या प्रक्रियेत ४ नोव्हेंबर ही नियमित शुल्कासह अर्ज भरण्याची अंतिम तारीख होती, परंतु, उमेदवारांचे हित लक्षात घेऊन त्यासाठी १५ नोव्हेंबरपर्यंत मुदतवाढ देण्यात आली आहे.
नवीन मुदतवाढीनुसार विद्यार्थ्यांना विलंब शुल्काशिवाय १५ नोव्हेंबरपर्यंत अर्ज सादर करण्याची संधी मिळणार आहे. परिषदेने स्पष्ट केले आहे की, यानंतर विलंब किंवा अतिविलंब अर्ज सादर करण्यास परवानगी मिळणार नाही.
