IDBI बँकेत नोकरी करण्याची संधी, 600 पदांसाठी अर्ज प्रक्रिया सुरू
पात्र असणाऱ्या उमेदवारांकडून 21 नोव्हेंबरपासून अर्ज मागविण्यात येत आहेत. अर्ज प्रक्रिया ऑनलाईन पद्धतीने करायची असून अर्ज करण्याची अंतिम मुदत 30 नोव्हेंबर 2024 देण्यात आली आहे.
eduvarta@gmail.com 
एज्युवार्ता न्यूज नेटवर्क
IDBI बँक अंतर्गत (IDBI Bank Recruitment) सहाय्यक व्यवस्थापक(JAM) - 500 पदे आणि कृषी मालमत्ता अधिकारी (AAO) - 100 पदे अशा एकूण 600 रिक्त जागांसाठी जाहिरात प्रसिद्ध (Advertisement published) करण्यात आली आहे. त्यानुसार पात्र असणाऱ्या उमेदवारांकडून 21 नोव्हेंबरपासून अर्ज मागविण्यात येत आहेत. अर्ज प्रक्रिया ऑनलाईन पद्धतीने करायची असून अर्ज करण्याची अंतिम मुदत 30 नोव्हेंबर (Application deadline is November 30) 2024 देण्यात आली आहे.
आयडीबीआय बँक मोहिमेअंतर्गत राबवण्यात येणाऱ्या भरती प्रक्रियेत सहभागी होण्यासाठी उमेदवारांना 21 नोव्हेंबर पासून लिंक सक्रिय करण्यात येणार आहे. त्यानंतर उमेदवार बँकेचे अधिकृत संकेतस्थळ https://www.idbibank.in/ वर जाऊन आपला अर्ज भरू शकतात. तसेच बँकेने घालून दिलेल्या शैक्षणिक अटीनुसार उमेदवाराने मान्यताप्राप्त बोर्ड किंवा विद्यापीठातून कोणत्याही शाखेची पदवी उत्तीर्ण असणे आवश्यक आहे.
भरती मोहिमेत सहभागी होण्यासाठी उमेदवाराचे वय हे 20 ते 25 वर्ष या दरम्यान असणे आवश्यक आहे. त्यानुसार उमेदवाराचा जन्म हा 2 ऑक्टोबर 1999 पूर्वी झालेला नसावा आणि 1 ऑक्टोबर 2004 नंतर झालेला नसावा. आरक्षित प्रवर्गातील उमेदवारांना वय मर्यादा यामध्ये 3 आणि ५ वर्षाची सूट देण्यात आली आहे. त्यासाठी अधिकृत संकेतस्थळावर जाऊन मूळ जाहिरात वाचणे आवश्यक आहे. SC/ST/PwBD उमेदवारांसाठी 250 रुपये अर्ज शुल्क आकारण्यात आला आहे. तर अन्य सर्व उमेदवारांना 1050 रुपये अर्ज शुल्क आहे. अधिक माहितीसाठी उमेदवाराने अधिकृत संकेतस्थळाला भेट द्यावी.
