केंद्रीय दलात महिलांसाठी स्वतंत्र बटालियनची स्थापना; गृह मंत्रालयाचा निर्णय 

एज्युवार्ता न्यूज नेटवर्क 

केंद्रीय औद्योगिक सुरक्षा दलात (सीआयएसएफ ) महिलांसाठी स्वतंत्र बटालियन स्थापन (Establishment of separate battalions) करण्याचा निर्णय गृह मंत्रालयाने  घेतला आहे. ज्यामुळे या दलात महिलांचा समावेश आणि योगदानासह नोकरीची संधी (job opportunity) वाढणार आहे. ही महिला बटालियन विविध महत्त्वाच्या ठिकाणांच्या सुरक्षेसाठी तैनात केली जाईल, ज्यामध्ये महत्त्वपूर्ण औद्योगिक प्रकल्प, सरकारी इमारती आणि सामरिक ठिकाणांचा समावेश असेल. 

या निर्णयामुळे महिलांना सुरक्षा दलात पुढाकार घेण्याची संधी उपलब्ध होणार असून, देशाच्या सुरक्षा व्यवस्थेतही ते महत्त्वपूर्ण भूमिका निभावू शकतील. या निर्णयामुळे महिलांना आणखी एक नोकरीसाठी महत्त्वाची संधी मिळणार आहे. त्यामुळे पुढील काळात देशातील हजारो महिला या सुरक्षा दलात पाहायला मिळणार आहे. तसेच सीआयएसएफमध्ये लिंग समानतेला प्रोत्साहन मिळेल आणि महिलांना नेतृत्व करण्याची संधी उपलब्ध होईल.सुरक्षा दलामध्ये महिलांचा सक्रिय सहभाग हा प्रेरणादायक पाऊल ठरणार असून, देशाच्या सुरक्षेच्या कार्यात महिलांचा महत्त्वपूर्ण वाटा वाढणार आहे.

या महिला बटालियनमुळे महिलांना सीआयएसएफच्या विविध कार्यांमध्ये सहभाग घेण्यासाठी अधिक संधी मिळेल, ज्यामध्ये राष्ट्राच्या विविध भागात सुरक्षा आणि संरक्षणाची जबाबदारी येईल. सीआयएसएफच्या या पावलामुळे महिलांच्या सामर्थ्य आणि योगदानाचा सन्मान होईल आणि भविष्यात सुरक्षा दलांमध्ये लिंग समानता आणण्यास प्रोत्साहन मिळेल.

सीआयएसएफ मुख्यालयाने नवीन बटालियनच्या मुख्यालयांसाठी भरती, प्रशिक्षण आणि ठिकाणांची निवड करण्याची तयारी सुरू केली आहे. व्हीआयपींची सुरक्षा, विमानतळांची सुरक्षा आणि दिल्ली मेट्रोची सुरक्षेसाठी सक्षम कमांडर तयार करण्यासाठी महिला बटालियनला प्रशिक्षण दिले जाणार आहे.