NEET UG परीक्षा रद्द करण्याची गरज नाही; केंद्र सरकारची भूमिका

एज्युवार्ता न्यूज नेटवर्क 

केंद्र सरकार (Central Govt) नीट युजी परीक्षा 2024 (NEET UG Exam 2024) रद्द करण्याच्या विरोधात आहे. या संदर्भातील प्रतिज्ञापत्र (Affidavit) भारत सरकार(Government of India)च्या वतीने सर्वोच्च न्यायालयात(Supreme Court) दाखल करण्यात आले. शुक्रवारी (दि. 5 जुलै ) दाखल केलेल्या प्रतिज्ञापत्रात केंद्राने म्हटले आहे की, 5 मे रोजी झालेल्या परीक्षेत गोपनीयतेचे उल्लंघन केल्याचा कोणताही ठोस पुरावा (concrete evidence) नाही.

केंद्राने NEET 2024 संदर्भात सर्वोच्च न्यायालयात दाखल केलेल्या प्रतिज्ञापत्रात म्हटले आहे की, 'संपूर्ण परीक्षा रद्द केल्याने परीक्षेला बसलेल्या लाखो प्रामाणिक उमेदवारांनी केलेली मेहनत वाया जाईल. NEET परीक्षा २०२४ मध्ये गोपनीयतेचे उल्लंघन केल्याचा कोणताही पुरावा नसल्यास, संपूर्ण परीक्षा रद्द करणे आणि निकाल घोषित करणे योग्य राहणार नाही.

स्पर्धात्मक परीक्षा निष्पक्ष आणि पारदर्शक पद्धतीने पार पाडण्यासाठी प्रतिज्ञापत्रात असे म्हटले आहे की, कोणत्याही परीक्षेतील प्रश्नपत्रिकांच्या गोपनीयतेला सर्वोच्च प्राधान्य देण्यात आले आहे. काही गुन्हेगारी घटकांकडून गोपनीयतेचा भंग होत असल्यास, अशा लोकांवर कठोरपणे आणि कायद्यानुसार  कारवाई केली पाहिजे, असे केंद्र सरकारचे मत आहे.

दरम्यान,  NEET परीक्षा रद्द करण्याची मागणी करणाऱ्या अनेक याचिका सुप्रीम कोर्टात प्रलंबित आहेत, त्यावर ८ जुलै रोजी सुनावणी होणार आहे. तसेच, NEET 2024 रद्द न करण्याची मागणी करणाऱ्या काही याचिकाही दाखल करण्यात आल्या आहेत.