एसटी महामंडळात नोकरीची सुवर्णसंधी! विविध पदांच्या 208 जागांसाठी भरती सुरू

एज्युवार्ता न्यूज नेटवर्क 

सरकारी नोकरीच्या शोधात असलेल्या उमेदवारांसाठी महत्त्वाची अपडेट समोर आली आहे. महाराष्ट्र राज्य मार्ग परिवहन महामंडळाच्या (Maharashtra State Road Transport Corporation) यवतमाळ मध्यवर्ती कार्यालयाने (Yavatmal Central Office) विविध पदांच्या भरती प्रक्रियेसाठी जाहिरात प्रसिद्ध केली आहे. या भरती मोहिमेअंतर्गत विविध ट्रेडच्या शिकाऊ उमेदवारांकडून अर्ज मागविण्यात आले आहेत. विविध पदांच्या एकूण २०८ जागांसाठी ही भरती प्रक्रिया पार पडणार आहे. यासाठी उमेदवारांना अधिकृत संकेतस्थळ msrtc.maharashtra.gov.in वर  ऑनलाईन रजिस्ट्रेशन करणे आवश्यक आहे. इच्छुक आणि पात्र उमेदवारांनी १३ डिसेंबरपर्यंत विहीत नमुन्यात विभागीय कार्यालय आर्णी रोड, यवतमाळ ४४५००१ या पत्त्यावर जमा करणे आवश्यक आहे. 

या भरती प्रक्रियेत मोटर मेकॅनिक पदांच्या ७५ जागा भरण्यात येणार असून त्यासाठी एसएससी पास आयटीआय मोटरमेकनिक ट्रेड पास अशी शैक्षणीक अर्हता घालण्यात आली आहे. शिटमेटल पदांच्या ३० जागा आहेत. त्यासाठी एसएससी पास आयटीआय शिटमेटल ट्रेड पास असणे आवश्यक आहे. डिझेल मेकनिक ३४ जागा आहेत आणि त्यासाठी एसएससी पास आयटीआय डिझेल मेकॅनिक ट्रेड पास अर्हता आवश्यक आहे.

मेकॅनिक अॅटो इलेक्ट्रीकल अॅण्ड इलेक्ट्रनिक पदाच्या ३० जागा भरण्यात येणार आहेत. त्यासाठी एसएससी पास आयटीआय मेकनिक अॅटो इलेक्टीकल अॅण्ड इलेक्ट्रॉनिक ट्रेड उत्तीर्ण असणे आवश्यक आहे. वेल्डर - २० पदे त्यासाठी एसएससी पास आयटीआय वेल्डर ट्रेड पास असावा, रेफ्रिजरेशन अॅन्ड एअर कंडिश्नर -१२ पदे - त्यासाठी एसएससी पास आयटीआय रेफ्रिजरेशन अॅन्ड एअर डिश्नर ट्रेड पास असावा, टर्नर -२ पदे त्यासाठी एसएससी पास आयटीआय टर्नर ट्रेड पास असावा, पेंटर जनरल - ५ पदे, त्यासाठी एसएससी पास आयटीआय पेंटर ट्रेड पास असणे आवश्यक आहे. 

अर्ज सादर करतेवेळी खुल्या प्रवर्गातील उमेदवारांनी ५९० रुपये व मागासवर्गीय उमेदवारांनी २९५ रुपये चा डी.डी जोडणे आवश्यक आहे. तसेच सर्व ट्रेडकरीता उमेदवारांचे वय १३ डिसेंबर २०२४ रोजी कमीत कमी १८ वर्षे व ३३ वर्षापेक्षा जास्त असू नये. ओबीसी उमेदवारांना ३ वर्ष तर मागासवर्गीय उमेदवारांना वयोमयदित ५ वर्षे सुट देण्यात येईल.