हातमाग व वस्त्रोद्योग तंत्रविज्ञान पदविका अभ्यासक्रमासाठी १० जूनपर्यंत अर्ज करण्याची मुदत

एज्युवार्ता न्यूज नेटवर्क

हातमाग व वस्त्रोद्योग तंत्रविज्ञान पदविका या अभ्यासक्रमासाठी (Diploma Course in Handloom and Textile Technology) घेण्यात येणाऱ्या परीक्षेसाठी अर्ज मागवण्यात येत आहेत. त्यासाठी १० जून ही अंतिम मुदत (June 10 is the deadline) देण्यात आली आहे. केंद्र शासनाच्या अखत्यारित येणारी भारतीय तंत्रविज्ञान बरगढ  (ओडिसा) संस्था, येथील हातमाग व वस्त्रोद्योग तंत्रविज्ञान पदविका या तीन वर्षीय अभ्यासक्रमासाठी अर्ज स्विकारण्यात येत असल्याची माहिती आयुक्त अविष्यांत पंडा (Commissioner Avishyant Panda) यांनी दिली आहे. 

महाराष्ट्र राज्यातून बरगढ (ओडिसा) संस्थेत प्रथम वर्षासाठी १३ जागा असून आर्थिक दृष्ट्या दुर्बल घटक १ जागेसाठी प्रवेश देण्यात येणार आहे. द्वितीय वर्षासाठी तीन जागा असून त्यापैकी एक जागा आर्थिक दुर्बल घटकातील विद्यार्थ्यांसाठी आरक्षित असणार आहे. तर वेंकटगिरी येथे दोन जागेसाठी प्रवेश देण्यात येणार आहे. अर्ज करण्यासाठी आयुक्तालयाच्या www.dirtexmah.gov.in या अधिकृत संकेतस्थळाला भेट द्यावी लागणार आहे. 

पात्र विद्यार्थ्यांचा हातमाग व वस्त्रोद्योग पदविका अभ्यासक्रमासाठी केलेला विहित नमुन्यातील अर्ज १० जून पर्यंत स्विकारण्यात येणार आहे. तसेच या अभ्यासक्रमासाठी जास्तीत जास्त विद्यार्थ्यांनी या प्रवेश प्रक्रियेमध्ये सहभागी व्हावे, असे आवाहन प्रादेशिक उपायुक्त सीमा पांडे यांनी केले आहे. तसेच स्थानिक उमेदवारांसाठी अर्जाचा नमूना जूने सचिवालय येथील वस्त्रोद्योग आयुक्तालय, नागपूर येथे उपलब्ध असल्याचे त्यांनी सांगितले आहे.