लैंगिक अत्याचार प्रकरणी राज्य बालहक्क आयोगाची शाळेला अचानक भेट; झाडाझडती केली?
या प्रकरणातील पीडित अल्पवयीन मुलाने ज्या समुपदेशकांना घडलेला प्रकार सांगितला. त्या समुपदेशकांची भेट घेऊन सर्व प्रकरणाची माहिती घेतली आहे.
eduvarta@gmail.com 
एज्युवार्ता न्यूज नेटवर्क
कर्वेनगर येथील सीबीएससी बोर्डाच्या नामांकित शाळेत (Karvenagar CBSE Board School)डान्स टिचरने शाळेतील अल्पवयीन मुलावर केलेल्या अत्याचार (dance teacher molested a minor) प्रकरणी राज्य बालहक्क आयोगाचे (State Child Rights Commission)सदस्य चैतन्य पुरंदरे (Member Chaitanya Purandare) यांनी गुरूवारी संबंधित शाळेस भेट देऊन या प्रकरणाची सखोल माहिती घेतली.
याबाबत बोलताना पुरंदरे म्हणाले या या संतापजनक प्रकरणाची राज्य बालहक्क आयोगाने गंभीर दखल घेतली असून बदलापूर येथील प्रकरणानंतर राज्यातील सर्वच शाळांना आवश्यक त्या सूचना देण्यात आल्या होत्या. शाळेतील कंत्राटी शिक्षकांचा चारित्र्य पडताळणी अहवाल घेतल्याशिवाय शालेय प्रशासनाने अश्या लोकांना कामावर घेऊ नये, असे स्पष्ट केले होते. परंतु, तरीदेखील काही शाळांचे याकडे दुर्लक्ष होत आहे. कर्वेनगर येथील शाळेतील प्रकरणी मुख्याध्यापक, उपमुख्याध्यापक तसेच या प्रकरणातील पीडित अल्पवयीन मुलाने ज्या समुपदेशकांना घडलेला प्रकार सांगितला. त्या समुपदेशकांची भेट घेऊन सर्व प्रकरणाची माहिती घेतली आहे."
शालेय प्रशासनाला योग्य त्या सूचना करण्यात आल्या असून तक्रार पेटी, चाईल्ड हेल्पलाईन क्रमांक आदी बाबींची पूर्तता करण्यास सांगितले आहे. तसेच ताबडतोब सर्व पालक व शिक्षकांची बैठक आयोजित करुन पालकांनी देखील आपल्या मुलांशी संवाद साधणे आवश्यक आहे. संबंधित प्रकरणात आरोपीला अटक झाली असून आरोपीला कठोर शिक्षा होण्यासाठी पोलिसांना योग्य ते निर्देश देण्यात येतील. तसेच शिक्षण विभाग आणि शालेय प्रशासनाकडून संबंधित प्रकरणाचा विस्तृत अहवाल बालहक्क आयोगास सादर करण्याचे निर्देश यावेळी पुरंदरे यांनी दिले.
