बालभारतीची पुस्तके शाळेच्या पहिल्या दिवशी मिळणार; पुस्तक वितरणाला झाली सुरूवात
पुणे जिल्ह्यातील 13 तालुक्यांमधील एकूण 4 लाख 32 हजार 617 विद्यार्थ्यांना ही पाठ्यपुस्तके वितरित केली जाणार आहेत.
eduvarta@gmail.com 
एज्युवार्ता न्यूज नेटवर्क
नवीन शैक्षणिक वर्षांमध्ये म्हणजेच 2024-25 या वर्षासाठी बालभारतीकडून (Balbharti)प्रकाशित करण्यात आलेल्या पाठ्यपुस्तकांचे वाटप (Distribution of textbooks)येत्या बुधवारपासून (दि.15) केले जाणार आहे. पुणे जिल्ह्यातील 13 तालुक्यांमधील एकूण 4 लाख 32 हजार 617 विद्यार्थ्यांना ही पाठ्यपुस्तके वितरित केली जाणार आहेत. येत्या 30 मे पर्यंत पुणे जिलह्यातील एकूण 5 हजार 353 शाळांमध्ये ही पुस्तके पोहोच करणे अपेक्षित आहे,असे पुणे जिल्हा परिषदेचे प्राथमिक शिक्षणाधिकारी संजय नाईकडे (Primary Education Officer Sanjay Naikade)यांनी सांगितले.त्यामुळे विद्यार्थ्यांना शाळेच्या पहिल्या दिवशीच पुस्तके (Books on the first day of school) मिळणार आहेत.
बालभारतीच्या माध्यमातून दरवर्षी शासकीय व अनुदानित शाळांमधील विद्यार्थ्यांना मोफत पाठ्यपुस्तकांचे वितरण केले जाते. बालभारतीकडून सुमारे नऊ कोटी पुस्तकांची छपाई केली जाते. शाळेच्या पहिल्या दिवशी विद्यार्थ्यांच्या हातात पुस्तके देण्याचे नियोजन दरवर्षी शिक्षण विभागाकडून केले जाते. त्यानुसार यंदा 15 मे पासून पुणे जिल्ह्यातील शाळांना पाठ्यपुस्तके पोहोच करण्याचे काम सुरू केले जाणार आहे.
संजय नायकडे म्हणाले, पुणे जिल्ह्यातील तेरा तालुक्यांसाठी जिल्हास्तरावरून इयत्ता पहिली ते आठवीसाठी एकूण 5 माध्यमांची पुस्तके वितरित करण्यात येणार आहे त्यामध्ये प्रामुख्याने मराठी, हिंदी, उर्दू, इंग्रजी, तेलुगु या भाषांचा समावेश असणार आहे. इयत्ता पहिली ते आठवीसाठी एकूण 4 लाख 32 हजार 617 इतक्या विद्यार्थ्यांना पाठ्यपुस्तकाचे वितरण केले जाणार आहे.पुणे जिल्ह्यातील जिल्हा परिषदेच्या सुमारे 3 हजार 638 शाळा , नगरपालिकेच्या 67 ,तसेच 1 हजार 648 अनुदानित व अंशत: अनुदानित अशा 5 हजार 353 शाळांमध्ये ही पाठ्यपुस्तके वितरित केली जातील.
