सरकारचा पुन्हा कंत्राटी भरतीची घाट; वैद्यकीय विभागामार्फत ६ हजार ८३० पदांना मंजुरी
वैद्याकीय, आयुर्वेदिक, होमिओपॅथी महाविद्यालये व रुग्णालयांकरिता गट-क व गट- ड या संवर्गातील मंजूर ६ हजार ८३० पदे बाह्यस्रोतामार्फत भरण्यास शासनाने मान्यता दिली आहे. मनुष्यबळ पुरवणाऱ्या कंपन्यांसाठी विभागस्तरावर निविदा प्रक्रियाही राबवली जाणार आहे.
eduvarta@gmail.com 
एज्युवार्ता न्यूज नेटवर्क
शासनाने गेल्या वर्षी राज्य शासनाने कंत्राटी भरातीचा घाट घातला. मात्र या भरतीला झाल्यामुळे कडाडून विरोधामुळे आणि तरूणांच्या रेट्यामुळे ही भरती रद्द करण्याची नामुष्की राज्य सरकारवर ओढावली. मात्र, यंदा पुन्हा एकदा राज्य सरकारने कंत्राटी भरतीचा नवा घाट घातला आहे. वैद्यकीय, आयुर्वेदिक, होमिओपॅथी महाविद्यालये व रुग्णालयांकरिता (Medical, Ayurvedic, Homeopathy Colleges and Hospital Recruitment) गट-क व गट- ड या संवर्गातील मंजूर ६ हजार ८३० पदे (6 thousand 830 sanctioned posts in Group-C and Group-D cadres) बाह्यस्रोतामार्फत भरण्यास शासनाने मान्यता दिली आहे. मनुष्यबळ पुरवणाऱ्या कंपन्यांसाठी विभागस्तरावर निविदा प्रक्रियाही राबवली जाणार आहे. विशेष म्हणजे, क दर्जाच्या कुशल मनुष्यबळाच्या पदांचाही या कंत्राटी भरतीमध्ये समावेश आहे. त्यामुळे आता परीक्षार्थी काय भूमिका घेतात? हे पाहाणे महत्त्वाचे ठरणार आहे.
कंत्राटी भरतीमुळे सरकारविरोधी वातावरण निर्माण झाल्याचे दिसल्यानंतर हे पाप महाविकास आघाडी सरकारचे असल्याचा आरोप करीत निर्णय रद्द करण्याची घोषणा उपमुख्यमंत्री देवेंद्र फडणवीस यांनी २० ऑक्टोबर २०२३ रोजी केली. ३१ ऑक्टोबरला कंत्राटी भरती रद्द केल्याचा शासन निर्णय जाहीर झाला. मात्र, केवळ नऊ संस्थांचे कंत्राट रद्द करण्यात आले असून अनेक शासकीय विभागांमधील कंत्राटी भरती सुरूच असल्याचे सध्याचे चित्र आहे. १२ जुलैला वैद्यकीय शिक्षण व औषधी द्रव्य विभागाने शासन निर्णय काढला असून ५९ शासकीय वैद्याकीय महाविद्यालये आणि रुग्णालयामध्ये गट-क व गट- ड संवर्गातील ६ हजार ८०० पदे बाह्यस्रोतामार्फत भरली जाणार आहेत. यासाठी निविदा प्रक्रिया राबवून मनुष्यबळ पुरवणाऱ्या कंपन्यांची निवड केली जाणार आहे.
राज्य सरकारने १४ मार्च २०२३ रोजीच्या शासन निर्णयाद्वारे कंत्राटी भरतीसाठी मनुष्यबळ पुरवणाऱ्या नऊ कंपन्यांची नियुक्ती केली होती. आता पुन्हा एकदा विभागनिहाय कंत्राटी भरतीसाठी निविदा प्रक्रिया राबवून त्याच नऊ कंपन्यांची निवड करण्याचा घाट घातल्याची चर्चा आहे. विशेष म्हणजे, वैद्याकीय शिक्षण आणि संशोधन विभागाचे सचिव दिनेश वाघमारे यांनी या कंपन्यांना शासनाने काळ्या यादीत टाकले नसून त्या निविदा प्रक्रियेत भाग घेऊ शकतात, असे सांगितले.
शासकीय वैद्यकीय महाविद्यालय आणि रुग्णालयांमध्ये गट-क प्रवर्गातील १७३० तर गट- ड प्रवर्गात ५१०० पदांवर कंत्राटी भरती होणार आहे. गट-क मध्ये लघुलेखक, वाहन चालक, शस्त्रक्रियागृह सहायक, ग्रंथपाल सहायक, कनिष्ठ लिपिक, तंत्रज्ञ, प्रयोगशाळा साहाय्यक, आरोग्य शिक्षक, लघुटंकलेखक अशा कुशल अणि तांत्रिक पदांचाही समावेश आहे.
