MPSC भरती प्रक्रियेला मिळणार गती; नवी टिम तयार, तीन सदस्यांची नियुक्ती
या नव्या नियुक्तींमध्ये राजीव निवतकर, डॉ. दिलीप भुजबळ-पाटील आणि महेंद्र वारभुव यांचा समावेश आहे. या तिन्ही नामवंत व्यक्तींनी आपापल्या क्षेत्रात मोठे योगदान दिले असून, त्यांच्या अनुभवाचा फायदा महाराष्ट्र लोकसेवा आयोगाला होणार असल्याची अपेक्षा व्यक्त केली जात आहे.
eduvarta@gmail.com 
एज्युवार्ता न्यूज नेटवर्क
महाराष्ट्र शासनाच्या सामान्य प्रशासन विभागान एक महत्त्वाचा शासन निर्णय जाहीर केला आहे. या निर्णयानुसार महाराष्ट्र लोकसेवा आयोगाच्या (Maharashtra Public Service Commission) सदस्यपदी तीन नव्या सदस्यांची नियुक्ती (Appointment of three new members) करण्यात आली आहे. राज्यपालांच्या आदेशानुसार राजीव निवतकर, दिलीप भुजबळ-पाटील व महेंद्र वारभुवन (Rajiv Nivatkar, Dilip Bhujbal-Patil and Mahendra Warbhuvan) यांची आयोगाचे सदस्य नियुक्त्या करण्यात आल्या आहेत. त्यामुळे भरतीसाठीची जाहिरात, परीक्षा आणि निकाल यासाठी लागणाऱ्या वेळेला आता गती मिळण्याची शक्यता आहे. त्यासाठी नवीन टिम आता तयार करण्यात आली आहे.
या नव्या नियुक्तींमध्ये राजीव निवतकर, डॉ. दिलीप भुजबळ-पाटील आणि महेंद्र वारभुव यांचा समावेश आहे. या तिन्ही नामवंत व्यक्तींनी आपापल्या क्षेत्रात मोठे योगदान दिले असून, त्यांच्या अनुभवाचा फायदा महाराष्ट्र लोकसेवा आयोगाला होणार असल्याची अपेक्षा व्यक्त केली जात आहे. या संदर्भात सामान्य प्रशासन विभागाने जारी केलेल्या शासन आदेशानुसार, सदर नियुक्ती तात्काळ प्रभावाने लागू करण्यात आली आहे. सदर आदेश शासनाचे सह सचिव गीता कुलकर्णी यांच्या स्वाक्षरीने प्रसिद्ध करण्यात आला आहे.
BAMU : ७५ अभ्यासक्रमाचे निकाल ३० दिवसांच्या आत जाहीर
राज्यसेवेच्या निवड प्रक्रिया पारदर्शक व कार्यक्षम व्हाव्यात यासाठी महाराष्ट्र लोकसेवा आयोग हे एक महत्त्वाचे घटक असून, नव्या सदस्यांच्या अनुभवाचा फायदा या प्रक्रियेत होईल अशी राज्य शासनाची अपेक्षा आहे. नव्या सदस्यांच्या नियुक्तीनंतर आयोगाच्या कार्यक्षमतेत अधिक भर पडेल आणि स्पर्धा परीक्षांमध्ये पारदर्शकता आणि गुणवत्तेला चालना मिळेल, अशी चर्चा प्रशासन व शैक्षणिक वर्तुळात रंगली आहे. ही नियुक्ती म्हणजे महाराष्ट्र लोकसेवा आयोगाच्या कार्यपद्धतीसाठी एक सकारात्मक पाऊल मानले जात आहे.
