MPSC : विद्यार्थी आर्थिक व मानसिक तणावात, लिपिक-टंकलेखन भरतीची निवड यादी जाहीर करा..
महाराष्ट्र लोकसेवा आयोगामार्फत घेतलेली लिपिक-टंकलेखक भरती 2023 ही प्रक्रिया आता अंतिम टप्प्यात आहे. आयोगानेच जून 2025 च्या पहिल्या आठवड्यात अंतिम निवड यादी जाहीर केली जाईल, असे जाहीर केले होते. परंतु, आजपर्यंत ती यादी अद्याप जाहीर करण्यात आलेली नाही.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगामार्फत (Maharashtra Public Service Commission) घेण्यात आलेल्या लिपिक-टंकलेखन भरती 2023 (Clerk-Typist Recruitment 2023) ची अंतिम निवड यादी जाहीर (Announce the final selection list) करण्याची मागणी महाराष्ट्र प्रदेश काँग्रेस कमिटीच्या (Maharashtra Pradesh Congress Committee) वतीने आयोगाचे अध्यक्ष रजनीश शेठ (MPSC Chairman Rajneesh Sheth) यांच्याकडे करण्यात आली आहे. या भरती प्रक्रियेसाठी हजारो विद्यार्थी गेली अनेक महिने प्रतीक्षेत आहेत. त्यांच्यावर मानसिक, आर्थिक व सामाजिक तणाव वाढत आहे. भरतीची प्रक्रिया विलंबाने होत असल्यामुळे अनेक उमेदवारांचे पुढील शैक्षणिक, कौटुंबिक व नोकरीसंदर्भातील निर्णय रखडले आहेत. त्यामुळे या भरतीची अंतिम निवड यादी जाहीर करण्याची मागणी करण्यात आली आहे.
महाराष्ट्र लोकसेवा आयोगामार्फत घेतलेली लिपिक-टंकलेखक भरती 2023 ही प्रक्रिया आता अंतिम टप्प्यात आहे. आयोगानेच जून 2025 च्या पहिल्या आठवड्यात अंतिम निवड यादी जाहीर केली जाईल, असे जाहीर केले होते. परंतु, आजपर्यंत ती यादी अद्याप जाहीर करण्यात आलेली नाही. आपण विद्यार्थ्यांच्या भविष्यासाठी ही बाब गांभीर्याने घेऊन त्वरित निर्णय घ्याल, असे विश्वास या पत्रातून व्यक्त करण्यता आला आहे.
‘सेट’ परीक्षेचे प्रवेशपत्र उपलब्ध; १५ जूनला होणार परीक्षा
प्रमुख मागण्या -
लिपिक-टंकलेखक भरती 2023 ची अंतिम निवड यादी तात्काळ जाहीर करण्यात यावी. निकाल प्रक्रियेमध्ये आणखी विलंब होणार असल्यास, त्याबाबत अधिकृत स्पष्टीकरण व निश्चित तारीख जाहीर करण्यात यावी. आयोगाने भविष्यात अशा भरती प्रक्रियांबाबत वेळापत्रकांचे काटेकोर पालन करावे, अशा मागण्या करण्यात आल्या आहेत.
