GATE 2025 साठी अर्ज प्रक्रियेच्या तारखेत बदल 

एज्युवार्ता न्युज नेटवर्क 

अभियांत्रिकी पदवीधर अभियोग्यता चाचणी अर्थात GATE 2025 मध्ये बसण्याचा विचार करणाऱ्या उमेदवारांसाठी महत्त्वाची बातमी आहे. GATE 2025 साठी अर्जाची प्रक्रिया 24 ऑगस्टपासून सुरू होणार होती, जी आता भारतीय तंत्रज्ञान संस्था रुरकीने (IIT Roorkee) आहे. अधिकृत वेबसाइटवर दिलेल्या तपशिलानुसार, आता या परीक्षेसाठी नोंदणी प्रक्रिया (Exam Registration Process) 28 ऑगस्ट 2024 पासून सुरू होणार आहे. 

अर्ज प्रक्रिया सुरू झाल्यानंतर,उमेदवार (Candidates) 26 सप्टेंबर 2024 पर्यंत विलंब शुल्काशिवाय अर्ज भरू शकतील.यानंतर,27 सप्टेंबर ते 7 ऑक्टोबर 2024 या कालावधीत,उमेदवार 500 रुपये अतिरिक्त शुल्क (लेट फी) देऊन अर्ज करू शकतील.GATE 2025 परीक्षा 1,2,15 आणि 16 फेब्रुवारी 2025 रोजी देशभरातील नियुक्त परीक्षा केंद्रांवर घेतली जाईल. 

GATE 2025 अर्ज भरण्यासाठी,सर्वप्रथम उमेदवारांना अधिकृत वेबसाइट gate.iitr.ac.in ला भेट द्यावी लागेल.येथे प्रथम तुम्हाला नोंदणी लिंकवर क्लिक करून आणि आवश्यक तपशील भरून नोंदणी करावी लागेल.नोंदणी केल्यानंतर इतर माहिती भरून फॉर्म भरावा लागेल.शुल्क भरून फॉर्म सबमिट करावा लागेल.

सामान्य, OBC आणि EWS प्रवर्गासाठी अर्जाचे शुल्क 1 हजार 800 रुपये तर SC,ST,PH आणि महिला उमेदवारांसाठी 900 रुपये निश्चित करण्यात आले आहेत.

उमेदवारांनी विलंब शुल्कासह अर्ज केल्यास,त्यांना 500 रुपये अतिरिक्त शुल्क भरावे लागेल.GATE 2025 परीक्षेशी संबंधित अधिक माहितीसाठी, उमेदवार अधिकृत वेबसाइटला भेट देऊ शकतात.