शिक्षिकेने शिक्षा दिल्याने, विद्यार्थ्यांनी खुर्चीखाली बॉम्ब ठेवून केला स्फोट
या घटनेत सुदैवाने शिक्षका थोडक्यात बचावली आहे. दरम्यान, शाळा प्रशासनाने या घटनेची गंभीर दखल घेतली असून सर्व मुलांना शाळेतून निलंबित करण्यात करण्याची कारवाई करण्यात आली आहे.
eduvarta@gmail.com 
एज्युवार्ता न्यूज नेटवर्क
हरयाणातील हिसार जिल्ह्यातून (Haryana Hisar District) एक धक्कादायक घटना समोर आली आहे. शिक्षिकेने शिक्षा केल्याचा राग मनात धरून १२ ते १५ विद्यार्थ्यांनी मिळून थेट खुर्चीखाली बाँम्ब लावून रिमोटच्या साह्याने स्फोट (Bomb blast by remote control) घडवला. त्यामुळे शिक्षण विभागासह राज्यभर एकच खळबळ उडाली आहे. या घटनेत सुदैवाने शिक्षका थोडक्यात बचावली आहे. दरम्यान, शाळा प्रशासनाने या घटनेची गंभीर दखल घेतली असून सर्व मुलांना शाळेतून निलंबित करण्याची कारवाई केली आहे.
महिला शिक्षिकेने विद्यार्थ्यांना आभ्यासाच्या बाबतीत काही शिक्षा केल्याने त्याचा राग मनात धरून विद्यार्थ्यांनी या शिक्षिकेला धडा शिकवण्याचे ठरवले. एका विद्यार्थ्याने शिक्षिकेच्या खुर्चीखाली बॉम्बसदृश्य फटाका ठेवला तर दुसऱ्या विद्यार्थ्याने रिमोट कंट्रोलद्वारे त्याचा स्फोट केला. विद्यार्थ्यांनी युट्युबवरून बॉम्ब कसा तयार करायचे हे यूट्यूबच्या माध्यमातून शिकून रिमोट कंट्रोलने त्याचा स्फोट केला.
मुलांनी शिक्षिकेचा बदला घेण्यासाठी यूट्यूबवर व्हिडिओ पाहून बॉम्ब तयार केला. एवढेच नाही तर त्याचा रिमोटच्या साह्याने कसा स्फोट करावा, याचे मॉडेल देखील त्यांनी व्हिडिओ पाहून तयार केले. हा बॉम्ब त्यांनी वर्गात शिक्षिकेच्या खुर्ची खाली ठेवला. वर्ग शिक्षिका वर्गात आल्यावर खुर्चीत बसल्या त्यानंतर विद्यार्थ्यांनी रिमोटच्या मदतीने बॉम्बचा स्फोट केला. या विद्यार्थ्यांना शाळेतून काढून टाकण्यात यावे, अशी चर्चाही या घटनेनंतर झाली. मात्र त्यांच्या पालकांनी माफी मागीतली आणि भविष्यात मुले असे काम करणार नसल्याचे लेखी निवेदन दिले. त्यानंतर ही कारवाई मागे घेण्यात आली.
