२८ वर्षाची शिक्षिका ६० वर्षीय संचलकाच्या प्रेमात, पळून जाऊन नेपाळमध्ये केलं लग्न

एज्युवार्ता न्यूज नेटवर्क 

बिहारच्या मुझफ्फरपूर जिल्ह्यातील औराई भागातून एक अशी लव्हस्टोरी (Love story from Aurai area of ​​Muzaffarpur district) समोर आली आहे, ज्याने वय, धर्म आणि समाजाच्या सर्व मर्यादा ओलांडल्या आहेत. एका खासगी शाळेचे 60 वर्षीय संचालक राकेश शाह (60-year-old director Rakesh Shah) यांनी आपल्याच शाळेतील 28 वर्षीय शिक्षिका शाइस्ता परवीन (28-year-old teacher Shaista Parveen) हिच्याशी पळून जाऊन लग्न केलं आहे. थेट नेपाळमध्ये (Getting married in Nepal) जाऊन त्यांनी लग्न केलं. 

हेही वाचा - 5 वी , 8 वी शिष्यवृत्ती परीक्षेत 60 ते 70 टक्के कठीण प्रश्न ; ॲक्टिव्ह टीचर्स फोरमचा आक्षेप

त्यानंतर आता या दोघांच्या लग्नाचे काही फोटो आणि व्हिडीओ सोशल मीडियावर प्रचंड व्हायरल होत आहेत. तर दुसरीकडे शाइस्ताच्या कुटुंबीयांनी राकेश यांच्यावर गंभीर आरोप करत एफआयआर दाखल केली आहे. राकेश शहा यांना पहिल्या पत्नीकडून चार मुले आहेत तर शाईस्ता ही पहिल्यांदा लग्नाच्या बंधनात आडकली आहे. विशेष म्हणजे शाह यांची दोन मुले ही शाईस्ताच्या वयाची आहेत. या दोघांमध्ये जवळपास ३२ वर्षाचे अंतर आहे. पण म्हणतात ना प्रेमाला काही वयाच्या मर्यादा नसतात, तसेच या प्रेमात दिसून आले आहे. 

मिळालेल्या माहितीनुसार, राकेश शाह औराईमध्ये एक खासगी शाळा चालवतात. शाइस्ता त्याच शाळेत शिक्षिका होती. एकत्र काम करत असताना दोघांमध्ये जवळीक वाढली आणि ते एकमेकांच्या प्रेमात पडले. 18 फेब्रुवारी रोजी दोघेही अचानक बेपत्ता झाले. दोघांनी सीमा ओलांडून नेपाळला जाऊन एका मंदिरात देवासमोर एकमेकांना हार घातले.