महाराष्ट्रातच नाही तर अमेरिकेतही नाही शाळांना शिक्षक

एज्युवार्ता न्यूज नेटवर्क 

जगातील सर्वोत्तम शिक्षण व्यवस्था, दर्जेदार शाळा आणि विद्यापीठे, शिक्षणाची आधुनिक पद्धत अशी ओळख असलेल्या अमेरिकेत आता शाळेत (schools in America) शिकवण्यासाठी शिक्षक मिळेनासे (shortage of teachers)झाले आहेत. नॅशनल सेंटर फॉर एज्युकेशन स्टॅटिस्टिक्स (National Center for Education Statistics) NCES च्या रिपोर्टमधून ही धक्कादायक बाब समोर आली आहे. 

NCES ने स्कूल पल्स पॅनेल (SPP) डेटाद्वारे सांगितले आहे की, प्रत्येक शाळांमध्ये शिक्षकांची सरासरी सहा पदे रिक्त आहेत. स्पेशलाइजेशन आवश्यक असलेल्या विषयांमध्ये शिक्षक मिळत नसल्याची तक्रार अनेक शाळांनी मांडली आहे. यामुळेच अमेरिकेत सध्या शिक्षकांची कमतरता आहे. 

सर्वेक्षनानुसार द्वितीय भाषा हा विषय शिकवण्यासाठी फार कमी शिक्षक उपलब्ध आहेत. 13 ते 27 ऑगस्ट 2024 दरम्यान केलेल्या NCES सर्वेक्षणानुसार, 74% प्राथमिक शाळांनी विशेष शिक्षकांची भरती करण्यात अडचण नोंदवली, तर 69% उच्च माध्यमिक शाळांनी या  शिक्षकांची भरती करण्यास सक्षम नसल्याचे संगितले आहे. 

शिक्षकेतर कर्मचाऱ्यांच्या भरतीतही शाळांना आव्हाने आहेत. परिवहन कर्मचाऱ्यांची ४०% पदे अजूनही रिक्त आहेत. मात्र, गेल्या वर्षीच्या तुलनेत यंदा शिक्षकेतर पदे भरण्यात काहीशी सुधारणा झाली आहे. 2024-25 शैक्षणिक वर्षाच्या सुरुवातीपर्यंत 73% अशैक्षणिक पदे भरण्यात आली होती, जी मागील वर्षी 69% होती. या सगळ्यांचा परिणाम गुणवत्तापूर्ण शिक्षणावर होत असून विद्यार्थ्यांचे यामुळे खूप नुकसान होत आहे, असे या रीपोर्टमध्ये नमूद करण्यात आले आहे.