आयसीएसई बोर्ड: इयत्ता दहावीच्या परीक्षा उद्यापासून; मार्गदर्शक तत्वे जाहीर 

एज्युवार्ता न्यूज नेटवर्क 

भारतीय शालेय प्रमाणपत्र परीक्षा परिषदेची (Council for Indian School Certificate Examinations) CISCE उद्यापासून म्हणजेच १८ फेब्रुवारी २०२५ पासून ICSE म्हणजेच दहावीची बोर्ड परीक्षा सुरू होणार आहे. (class 10 board exams will start from February 18, 2025) आयसीएसईचा पहिला पेपर इंग्रजी भाषेचा (इंग्रजी पेपर-१) असेल. १८ फेब्रुवारीपासून सुरू होणाऱ्या दहावीच्या परीक्षा २७ मार्च २०२५ पर्यंत चालतील. परीक्षेला बसणाऱ्या विद्यार्थ्यांसाठी बोर्डाने परीक्षा मार्गदर्शक तत्त्वे (ICSE Board Exam Instructions) प्रसिद्ध केल्या आहेत. कोणत्याही प्रकारची समस्या टाळण्यासाठी सर्व विद्यार्थ्यांनी विहित मार्गदर्शक तत्त्वांचे पालन करावे.

मार्गदर्शक तत्वे 

* बोर्डाने विद्यार्थ्यांना परीक्षेच्या नियोजित वेळेच्या किमान ३० मिनिटे आधी परीक्षा हॉलमध्ये बसण्यास सांगितले आहे.
* पेपरसाठी दिलेला वेळ संपल्यानंतरच तुम्हाला परीक्षा हॉल सोडण्याची परवानगी दिली जाईल.
* प्रश्नपत्रिकेत दिलेल्या सामान्य सूचना वाचा आणि ज्या प्रश्नांची उत्तरे द्यायची आहेत तेच प्रश्न सोडवा.
* मुख्य उत्तरपत्रिकेच्या वरच्या बाजूला दिलेल्या ठिकाणी तुमचा युनिक आयडी (युनिक आयडेंटिफिकेशन नंबर), इंडेक्स नंबर आणि विषय लिहा. ही माहिती प्रत्येक उत्तरपत्रिकेच्या पहिल्या पानावर आणि वापरलेल्या कोणत्याही नकाशावर किंवा आलेख कागदावर लिहा.
प्रत्येक पत्रकाच्या दोन्ही बाजूंना लिहा. 
* स्वच्छ हस्ताक्षर आणि शुद्धलेखन विचारात घेतले जाईल. उत्तरे लिहिण्यासाठी फक्त काळी किंवा निळी शाई वापरा. पेन्सिल फक्त स्केचेससाठी वापरता येतील.
* गरज पडल्यास, गणित आणि रेखाचित्रासाठी तुमच्या स्वतःच्या रंगीत पेन्सिल आणा आणि गरज पडल्यास त्या वापरा.
* परीक्षा हॉलमध्ये कॅल्क्युलेटरसह इलेक्ट्रॉनिक गॅझेट्स आणू नका, हे सक्त मनाई आहे.
प्रवेशपत्र सोबत ठेवा.
* बोर्डाच्या परीक्षेला बसणाऱ्या सर्व विद्यार्थ्यांनी त्यांचे प्रवेशपत्र सोबत बाळगणे आवश्यक आहे जेणेकरून त्यांची पडताळणी करता येईल. प्रवेशपत्राशिवाय तुम्हाला परीक्षा हॉलमध्ये प्रवेश दिला जाणार नाही.