विद्यार्थ्यांच्या भविष्यासाठी ज्ञान आणि कौशल्य महत्वाचे - डॉ. डी.बी.पवार
कार्यक्रमाचे अध्यक्ष प्रा. आंबेकर यांनी बोलताना, काळाच्या ओघात पुण्यातील अनेक संस्थांनी व्यावसायिक कोर्सेसची सुरूवात केली. मात्र, या संस्थेने तंत्रज्ञानाची जोड न घेता दुर्बलाच्या शिक्षणाचे उद्दिष्ट बाजूला पडू दिले नाही असे मत व्यक्त करत पुरस्कार प्राप्त विद्यार्थ्यांचे कौतुक केले.
eduvarta@gmail.com 
एज्युवार्ता न्यूज नेटवर्क
विद्यार्थ्यांसाठी ज्ञान आणि कौशल्य (Knowledge and skills) या दोन्ही गोष्टी करिअर प्राप्तीसाठी आवश्यक आहेत. शिक्षण घेताना विद्यार्थ्यांमध्ये सातत्य, जिद्द आणि चिकाटी हे गुण असणे देखील गरजेचे आहे. आजचा विद्यार्थी उद्याचा सुजाण नागरिक घडला पाहिजे,असे मत सावित्रीबाई फुले पुणे विद्यापीठाचे व्यवस्थापन परिषदेचे सदस्य डॉ. डी. बी. पवार (Dr. D. B. Pawar, Member of the Management Council of Savitribai Phule Pune University) यांनी व्यक्त केले आहे. सरस्वती मंदिर नाईट कॅालेज ऑफ कॅामर्स अँण्ड आर्टस् (Saraswati Mandir Night College of Commerce and Arts) या महाविद्यालयाच्या वार्षिक पारितोषिक वितरण समारंभावेळी ते बोलत होते.
पवार म्हणाले, राष्ट्रनिर्मितीसाठी महाविद्यालयाने विविध उपक्रमांचे यशस्वीपणे आयोजन केले आहे. या महाविद्यालयामध्ये सर्व विद्यार्थी दिवसभर काम करून शिक्षण घेतात. शिक्षणाचे महत्व सांगताना त्यांनी विद्यार्थ्यांनी सकारात्मक जीवन जगावे, असे म्हटले.
यावेळी कार्यक्रमाच्या अध्यक्षस्थानी सरस्वती मंदिर संस्थेचे चेअरमन व सावित्रीबाई फुले पुणे विद्यापीठाचे अधिसभा सदस्य प्रा. विनायक आंबेकर यांच्यासह मान्यवर, विद्यार्थी उपस्थित होते. याप्रसंगी उपस्थित प्रमुख मान्यवरांच्या हस्ते गुणवंत विद्यार्थ्यांना पारितोषिक देऊन गौरविण्यात आले.
कार्यक्रमाचे अध्यक्ष प्रा. आंबेकर यांनी बोलताना, काळाच्या ओघात पुण्यातील अनेक संस्थांनी व्यावसायिक कोर्सेसची सुरूवात केली. मात्र, या संस्थेने तंत्रज्ञानाची जोड न घेता दुर्बलाच्या शिक्षणाचे उद्दिष्ट बाजूला पडू दिले नाही असे मत व्यक्त करत पुरस्कार प्राप्त विद्यार्थ्यांचे कौतुक केले.
तर महाविद्यालयाचे प्राचार्य डॉ. सुनिल शेटे यांनी महाविद्यालयाच्या वार्षिक अहवालाचे वाचन करून, महाविद्यालयातील विविध उपक्रमांचा आढावा घेतला. तर डॉ गीता राशिनकर आणि प्रा. सारिका देशपांडे यांनी बक्षीस वाचन केले. तसेच सांस्कृतिक विभाग प्रमुख डॉ. दीपक वेडे यांनी सर्वांचे आभार मानले तर या कार्यक्रमाचे सूत्रसंचालन डॉ. आयोध्या जाधव यांनी केले.
