NEERI मध्ये १२वी उत्तीर्ण उमेदवारांसाठी सरकारी नोकरी

एज्युवार्ता न्यूज नेटवर्क 

राष्ट्रीय पर्यावरण अभियांत्रिकी संशोधन संस्था (National Environmental Engineering Research Institute) NEERI १२वी उत्तीर्ण उमेदवारांना नोकरीची उत्तम संधी उपलब्ध करून देत आहे. (job opportunity for 12th pass candidates) CSIR NEERI ने ज्युनियर सेक्रेटरीएट असिस्टंट आणि ज्युनियर स्टेनोग्राफर पदांसाठी भरती जाहीर केली आहे. या भरतीसाठी अर्ज प्रक्रिया १ एप्रिलपासून आयोगाच्या अधिकृत वेबसाइट www.neeri.res.in वर सुरू झाली आहे. येत्या ३० एप्रिल २०२५ पर्यंत फॉर्म जमा करता येतील.

NEERI मध्ये ज्युनियर सेक्रेटरीएटच्या रिक्त जागा तीन वेगवेगळ्या विभागांसाठी आहेत, त्याशिवाय ज्युनियर स्टेनोग्राफर पदासाठीही नोकऱ्या आहेत. CSIR NEERI च्या या दोन्ही पदांसाठी अर्ज करण्यासाठी, उमेदवारांनी मान्यताप्राप्त संस्थेतून १२ वी किंवा समकक्ष पात्रता उत्तीर्ण केलेली असावी. याशिवाय, संगणकावर टायपिंगचा वेग चांगला असणे देखील महत्त्वाचे आहे.  उमेदवारांची निवड लेखी परीक्षा आणि संगणक टायपिंग स्पीड टेस्टच्या आधारे केली जाईल.  कनिष्ठ सचिवालय सहाय्यक पदासाठी उमेदवारांचे किमान वय १८ वर्षे आणि कमाल वय २८ वर्षे आणि कनिष्ठ स्टेनोग्राफर पदासाठी २७ वर्षे आहे. उमेदवार भरतीच्या अधिकृत अधिसूचनेमधून पात्रतेशी संबंधित इतर माहिती देखील तपशीलवार तपासू शकतात. 

या सरकारी नोकरीसाठी लेखी परीक्षा ओएमआर आधारित असेल. ज्यामध्ये २०० प्रश्न विचारले जातील. परीक्षेचा कालावधी २.३० तासांचा असेल. पेपर-१ हा मानसिक क्षमता चाचणीचा असेल आणि पेपर-२ हा सामान्य ज्ञान आणि इंग्रजी भाषेचा असेल. या भरतीशी संबंधित इतर कोणत्याही माहितीसाठी, उमेदवार CSIR NEERI च्या अधिकृत वेबसाइटला भेट देऊ शकतात. लेव्हल-२ नुसार, ज्युनिअर सेक्रेटरीएट असिस्टंट पदासाठी १९ हजार ९०० ते ६३ हजार  २०० रुपये आणि ज्युनिअर स्टेनोग्राफर पदासाठी २५ हजार ५०० ते  ८१ हजार  १०० रुपयापर्यंत वेतन मिळेल.