UGC कडून 'ओपन अँड डिस्टन्स लर्निंग'ला प्रोत्साहन;कारण काय...
अर्जदारांना दोन टप्प्यात अर्ज भरण्याच्या प्रक्रियेचे पालन करावे लागेल. सुरुवातीला, उच्च शिक्षण संस्थांना ऑनलाइन अर्ज करावा लागेल, त्यानंतर 15 नोव्हेंबर 2024 पर्यंत आवश्यक प्रतिज्ञापत्रे आणि इतर परिशिष्टांसह हार्ड कॉपी सबमिट कराव्या लागतील
eduvarta@gmail.com 
एज्युवार्ता न्यूज नेटवर्क
विद्यापीठ अनुदान आयोगाने (University Grants Commission) UGC शैक्षणिक वर्षासाठी (2024-25) ओपन अँड डिस्टन्स लर्निंग (Open and Distance Learning) ODL आणि ऑनलाइन प्रोग्रामसाठी मान्यता मिळवण्यासाठी उच्च शिक्षण संस्थांकडून (Higher Education Institutions) HEIs अर्ज मागवण्याची (applications invited) घोषणा केली आहे. 15 ऑक्टोबर ते 31 ऑक्टोबर या कालावधीत ज्या उच्च संस्था यासाठी पात्र असतील, त्या संस्थांना दूरस्थ शिक्षणासाठी मान्यता दिली जाईल.
अर्जदारांना दोन टप्प्यात अर्ज भरण्याच्या प्रक्रियेचे पालन करावे लागेल. सुरुवातीला, उच्च शिक्षण संस्थांना ऑनलाइन अर्ज करावा लागेल. त्यानंतर 15 नोव्हेंबर 2024 पर्यंत आवश्यक प्रतिज्ञापत्रे आणि इतर परिशिष्टांसह हार्ड कॉपी सबमिट कराव्या लागतील. UGC ने सर्व इच्छुक उच्च शिक्षण संस्थांना UGC डिस्टन्स एज्युकेशन ब्युरो (DEB) च्या वेबसाईटला भेट देण्याचा सल्ला दिला आहे.
पात्रता निकषांवर माहिती देताना UGC ने नोटीसमध्ये म्हटले आहे की, "UGC नियमित पात्रता असलेल्या संस्थांना वर्षभर अर्ज करण्याची सुविधा प्रदान करते, ज्यामध्ये UGC च्या श्रेणीबद्ध स्वायत्तता नियमांनुसार मान्यताप्राप्त पहिल्या श्रेणीतील उच्च शिक्षण संस्थांचा समावेश आहे. याव्यतिरिक्त, अखिल भारतीय तंत्रशिक्षण परिषदेच्या (AICTE) कक्षेत येणारे कार्यक्रम ऑफर करण्याचे उद्दिष्ट असलेल्या मानीत विद्यापीठांना तांत्रिक शिक्षण मानकांचे पालन सुनिश्चित करण्यासाठी AICTE कडून पूर्वपरवानगी घ्यावी लागेल.
