NEP मुळे कॉलेज भरणार दोन शिफ्टमध्ये; कॉलेज प्रशासनाची तयारी सुरू
आगामी शैक्षणिक वर्ष २०२५-२६ पासून या निर्णयाची अंमलबजावणी करण्याचा कॉलेजचा मानस आहे. नवीन राष्ट्रीय शिक्षण धोरणामुळे वाढलेल्या अभ्यासक्रमांच्या पार्श्वभूमीवर हा निर्णय घेण्यात आल्याचे कॉलेज प्रशासनाकडून सांगण्यात आले आहे.
eduvarta@gmail.com 
एज्युवार्ता न्यूज नेटवर्क
सेंट झेवियर्स कॉलेजकडून (Saint Xavier's College) पदवी आणि पदव्युत्तर पदवी अभ्यासक्रमाचे वर्ग दोन शिफ्टमध्ये (Classes in two shifts for undergraduate and postgraduate courses) भरविण्याच्या दृष्टीने हालचाली सुरू झाल्या आहेत. आगामी शैक्षणिक वर्ष २०२५-२६ (Academic year 2025-26) पासून या निर्णयाची अंमलबजावणी करण्याचा कॉलेजचा मानस आहे. नवीन राष्ट्रीय शिक्षण धोरणामुळे वाढलेल्या अभ्यासक्रमांच्या पार्श्वभूमीवर हा निर्णय घेण्यात आल्याचे कॉलेज प्रशासनाकडून सांगण्यात आले आहे.
नवीन शैक्षणिक धोरणानुसार सर्व कॉलेजांमध्ये विविध नाविन्यपूर्ण अभ्यासक्रम सुरू झाल्याने विद्यार्थी संख्या दिवसेंदिवस वाढते आहे. विद्यार्थी संख्या वाढल्यामुळे वर्ग खोल्यांची कमतरता भासत आहे. त्यामुळे महाविद्यालयांना विस्तार करण्यात अडचणी येत आहेत. या पार्श्वभूमीवर सेंट झेवियर्स कॉलेजने दोन शिफ्ट करण्याचा निर्णय सर्वांसाठीच अनुकरणीय ठरणार असल्याचे कॉलेजने म्हटले आहे.
सेंट झेवियर्स महाविद्यालयातील ज्युनिअर कॉलेजचे सर्व वर्ग संस्थेच्या शाळा परिसरातील इमारतीत स्थलांतरित करण्यात येणार आहेत. पदवी आणि पदव्युत्तर पदवीचे अभ्यासक्रम सुरू करण्यासाठी कॉलेजने एक समिती स्थापन केली आहे. ही समिती विविध शिक्षण संस्थांना भेटी देऊन त्याचा अभ्यास करेल,' अशी माहिती कॉलेज प्रशासनाने दिली आहे.
सध्या भारतात काही ठिकाणी येथे दोन ते तीन शिफ्टमध्ये वर्ग भरतात. त्याच धर्तीवर आता पदवी आणि पदव्युत्तर अभ्यासक्रमाचे वर्ग भरविण्याचा संस्थेचा विचार आहे. त्यामध्ये विज्ञान शाखेचे वर्ग सकाळी, तर दुपारी आर्टस् शाखेचे वर्ग भरविण्याचा पर्याय तपासला जात आहे, अशी माहिती काॅलेजकडून देण्यात आली आहे.
