पुण्यात ‘संविधान सन्मान दौड 2025’ मध्ये ४ हजारांहून अधिक स्पर्धकांचा सहभाग

एज्युवार्ता न्यूज नेटवर्क

भारत देशाच्या संविधानाला ७५ वर्षे पूर्ण झाले असून त्याविषयी आपल्याला आदर भाव निर्माण झाला पाहिजे. संविधानाशिवाय आपल्याला मार्ग/पर्याय नाही, असे मत केंद्रीय सामाजिक न्याय राज्यमंत्री रामदास आठवले (Ramdas Athawale) यांनी व्यक्त केले आहे. डॉ. बाबासाहेब आंबेडकर सांस्कृतिक महोत्सव समिती पुणे (Dr. Babasaheb Ambedkar Cultural Festival Committee Pune), डॉ. बाबासाहेब आंबेडकर प्रशिक्षण व संशोधन संस्था (BARTI), संरक्षण आणि सामरिकशास्त्र विभाग (Department of Defense and Strategic Studies), सावित्रीबाई फुले पुणे विद्यापीठ (Savitribai Phule Pune University) आणि पुणे जिल्हा हौशी अॅथलेटीक्स असोसिएशन (Pune District haushi Athletics Association) यांच्या वतीने भारतीय संविधान दिन अमृत महोत्सवी वर्षानिमित्त (Indian Constitution Day Amrit Jubilee Year) ‘संविधान सन्मान दौड 2025 ’ चे (Constitution Honor Race 2025) आयोजन करण्यात आले. यावेळी आठवले बोलत होते.

पुढे बोलताना, व्यायाम हा आताच्या काळात किती महत्वाचा आहे, याविषयीची स्पर्धकांसह उपस्थितांना त्यांनी माहिती करून दिली. या मिनी मॅरेथॉनमध्ये पुणेकरांसह देश, विदेशातील सुमारे ४ हजारांहून अधिक स्पर्धक सहभागी झाले होते.  

यावेळी सामजिक न्याय विभागाचे प्रधान सचिव डॉ. हर्षदीप कांबळे, बार्टीचे महासंचालक डॉ. सुनिल वारे, सावित्रीबाई फुले पुणे विद्यापीठाचे कुलगुरू सुरेश गोसावी, पुणे जिल्हाधिकारी जितेंद्र डूडी, आमदार सिद्धार्थ शिरोळे, सह पोलिस आयुक्त रंजन कुमार शर्मा,  प्र- कुलगुरू डॉ. पराग काळकर, कुलसचिव  ज्योती भाकरे, विद्यापीठाचे अधिष्ठाता व संरक्षण आणि सामरिकशास्त्र विभागाचे प्रमुख डॉ. विजय खरे,  डॉ. बाबासाहेब आंबेडकर सांस्कृतिक महोत्सव समिती पुणेचे अध्यक्ष व ‘संविधान सन्मान दौड’चे मुख्य आयोजक परशुराम वाडेकर, सुनिता वाडेकर, संजय सोनवणे, शैलेश भंडारी, दिपक म्हस्के, राहुल डबडे, पीएसआय पाटील, संतोष मदने, बाळासाहेब अंतरे, विरींद साठे, यांच्यासह स्पर्धक, दिव्यांग आणि स्वयंचलित स्पर्धक आणि पालक मोठ्या संख्येने उपस्थित होते.

विजयी उमेदवार 

तीन किलोमीटर दौडमध्ये प्रथम क्रमांक अनुष्का शिंदे, व्दितीय क्रमांक अदीती हरगुडे तर तृतीय क्रमांक आदिती तांबे या विद्यार्थिनीने पटकावला. पाच किलोमीटर दौडमध्ये प्रथम क्रमांक राणी मुचंडी, व्दितीय क्रमांक साक्षी बोराडे, तर तृतीय क्रमांक प्रियांका ओक्सा हिने मिळवला आहे. तर दहा किलोमीटर दौडमध्ये प्रथम क्रमांक साक्षी जाड्याळ, व्दितीय क्रमांक यामिनी ठाकरे तर तृतीय क्रमांक शीतल तांबे हिने पटकावला आहे.

मुलांमध्ये तीन किलोमीटर दौडमध्ये प्रथम क्रमांक अजय सिंह, व्दितीय क्रमांक मोहित यादव तर तृतीय क्रमांक आदिनाथ सोलंखे या विद्यार्थ्यांनी पटकावला आहे. पाच किलोमीटर दौडमध्ये प्रथम क्रमांक हर्षद कदम, व्दितीय क्रमांक अनुपम याने तर तृतीय क्रमांक गणेश दोंगडे याने मिळवला आहे. १० किलोमिटर दौडमध्ये सहभागी झालेल्या मुलांमध्ये प्रथम क्रमांक अंकुश हाके, व्दितीय क्रमांक तुषार बिनर तर तृतीय क्रमांक निलेश आर्सिकर याने पटकावला आहे.

याबरोबरच दिव्यांग आणि स्वयंचलित स्पर्धक यांच्यासाठीही एक विशेष दौडचे आयोजन करण्यात आले होते. या दौडमध्ये प्रथम क्रमांक एमडी. फैयार आलम यांनी पटकावला. तर द्वितीय आणि तृतीय क्रमांक अनुक्रमे अनिल काची व सुरेश कुमार कारकी यांनी मिळवला आहे.