‘या’ प्राध्यापकांना मिळणार राष्ट्रीय शिक्षक पुरस्कार; आताच करा अर्ज
या पुरस्कारासाठी नामांकित व्यक्ती नियमित प्राध्यापक असणे गरजेचे आहे. त्याचबरोबर त्या शिक्षकांना पदवीधर आणि/किंवा पदव्युत्तर स्तरावर किमान पाच वर्षांचा पूर्णवेळ अध्यापनाचा अनुभव असावा. पुरस्कारांसाठी अर्ज स्वीकारण्याच्या शेवटच्या तारखेला शिक्षकांचे वय ५५ वर्षांपेक्षा जास्त नसावे.
eduvarta@gmail.com 
एज्युवार्ता न्यूज नेटवर्क
भारत सरकारच्या शिक्षण मंत्रालयाच्या (Ministry of Education, Government of India) माध्यमातून उच्च शैक्षणिक संस्था आणि पॉलिटेक्निकमधील शिक्षकांना राष्ट्रीय पुरस्कार २०२५ (National Award to Teachers for Higher Educational Institutions and Polytechnics - 2025) प्रदान करण्यात येणार आहे. हा पुरस्कार भारतातील महाविद्यालये/विद्यापीठे/उच्च शैक्षणिक संस्था/पॉलिटेक्निकमधील सर्व प्राध्यापकांसाठी खुला असणार आहे. (open to all the faculty members of colleges/universities/higher educational institutions /polytechnics in India)
या पुरस्कारासाठी सध्या नामांकने मागवण्यात येत आहेत. नामांकने पाठवण्याची अंतिम मुदत ९ जुलै २०२५ पर्यंत असणार आहे. त्यामुळे इच्छुक आणि पात्र शिक्षकांनी या पुरस्कारासाठी सर्व नामांकने राष्ट्रीय पुरस्कार पोर्टलवर awards.gov.in विहित नमुन्यात सादर करावीत.
या पुरस्कारासाठी नामांकित व्यक्ती नियमित प्राध्यापक असणे गरजेचे आहे. त्याचबरोबर त्या शिक्षकांना पदवीधर आणि/किंवा पदव्युत्तर स्तरावर किमान पाच वर्षांचा पूर्णवेळ अध्यापनाचा अनुभव असावा. पुरस्कारांसाठी अर्ज स्वीकारण्याच्या शेवटच्या तारखेला शिक्षकांचे वय ५५ वर्षांपेक्षा जास्त नसावे.
हा पुरस्कार अध्यापन, संशोधन, सामुदायिक सेवा, नाविन्यपूर्ण कार्य आणि उच्च शिक्षणासाठी समर्पणात त्यांच्या अपवादात्मक योगदानासाठी उत्कृष्ट प्राध्यापकांना दिला जातो.
नामांकन पद्धती (जनभागीदारी आधारावर)
- स्व-नामांकन
- संस्थात्मक नामांकन: उच्च शिक्षण संस्था/पॉलिटेनिक प्रमुखांकडून (संचालक/प्राचार्य/कुलगुरू)
- समवयस्क नामांकन: त्याच विद्यापीठ/संस्था/महाविद्यालय/पॉलिटेनिकच्या सहकाऱ्यांकडून, जिथे नामांकित व्यक्ती नियमित नोकरी करते.
शिक्षकांनी कोणत्याही शंकासाठी https://www.aicte-india.org/ या अधिकृत वेबसाईटवर किंवा ०११-२९५८११३६ / ०११-२९५८११२६ (सकाळी ९:३० ते संध्याकाळी ५:३० दरम्यान) या क्रमांकावर संपर्क साधावा.
