एमपीएससीची तयारी करणाऱ्या विद्यार्थ्याचा ताम्हिणी घाटात मृत्यू
नांदेड जिल्ह्यातील किनवट येथील रहिवासी असलेला महेश संभाजीनगर येथे गेली दीड वर्षे एमपीएससी परीक्षेची तयारी करत होता. सध्या पावसाचे दिवस असल्याने निसर्गरम्य वातावरण तयार झाले आहे. त्यानिमित्ताने तो मित्रांबाबत चारचाकी वाहनातून फिरण्यासाठी कोकणात फिरण्यासाठी गेला होता. सोबत एक स्पोर्ट बाईकही मित्राने घेतली होती.
eduvarta@gmail.com 
एज्युवार्ता न्यूज नेटवर्क
स्पर्धा परीक्षा क्षेत्रातून एक धक्कादायक बातमी समोर आली आहे. एमपीएससी स्पर्धा परीक्षेची तयारी करून (Death of a student preparing for MPSC exam) अधिकारी होण्याचे स्वप्न उराशी बाळगणाऱ्या तरुणाचा ताम्हिणी घाटात दुर्देवी मृत्यू झाला आहे. महेश रमेश गुट्टे (वय २३ वर्षे) असे मृत्यू पावलेल्या तरुणाचे नाव आहे. तो छत्रपती संभाजीनगर येथे राहून महाराष्ट्र लोकसेवा आयोगाच्या (Maharashtra Public Service Commission) भरती परीक्षेची तयारी (Recruitment exam preparation) करीत होता. मात्र, काळाने त्याच्यावर अचानक घाला घातल्याने संपूर्ण गुट्टे कुटुंबासह त्याचा मित्र परिवार दु:खामध्ये आहेत.
बी. एस्सी. नर्सिंग प्रवेश प्रक्रिया सुरू, 'या' तारखेपर्यंत करता येणार नोंदणी
मिळालेल्या सविस्तर माहितीनुसार, नांदेड जिल्ह्यातील किनवट येथील रहिवासी असलेला महेश संभाजीनगर येथे गेली दीड वर्षे एमपीएससी परीक्षेची तयारी करत होता. सध्या पावसाचे दिवस असल्याने निसर्गरम्य वातावरण तयार झाले आहे. त्यानिमित्ताने तो मित्रांबाबत चारचाकी वाहनातून फिरण्यासाठी कोकणात फिरण्यासाठी गेला होता. सोबत एक स्पोर्ट बाईकही मित्राने घेतली होती.
घाटातील निसर्गाचे सौंदर्य मोबाइलमध्ये टिपण्यासाठी महेश हा स्पोर्ट बाईक वरून प्रवास करत होता. मात्र, ताम्हिणी घाटात जागेजागी असलेले वळण, अरूंद रस्ता, वाहनांची वर्दळ आणि पावसामुळे ओला झालेला रस्ता यावर त्याला नियंत्रण न ठेवता आल्याने त्याचा अपघात झाला. या अपघातामध्ये तो गंभीर जखमी झाला. उपचारासाठी त्याला नजीकच्या रुग्णालयात दाखल करण्यात आले. मात्र, डॉक्टरांनी त्याला मृत घोषित केले. महेश हा किनवट येथील प्रसिद्ध व्यापारी रमेश शंकरराव गुट्टे यांचा मुलगा होता. त्याच्या पश्चात आई-वडील, दोन बहिणी असा परिवार आहे.
