बालभारतीच्या 10 हजार अनधिकृत पुस्तकांच्या छपाईचा साठा जप्त
बालभारतीच्या नागपूर भांडारातील मंडळाच्या अधिकारी/कर्मचारी यांना प्रत्यक्ष पाहणी करण्यासाठी याठिकाणी भेट दिली.बालभारतीच्या पाठ्यपुस्तकांची अनधिकृरित्या छपाई होत असल्याचे निदर्शनास येताच त्यावर कारवाई करण्यात आली आहे.
eduvarta@gmail.com 
एज्युवार्ता न्यूज नेटवर्क
बालभारतीच्या पुस्तकांची अनधिकृत रित्या छपाई करून त्याची विक्री करणाऱ्या नागपूर येथील प्रतिभा प्रिंटर्सवर कारवाई करण्यात आली. पोलिसांच्या मदतीने इयत्ता दहावीच्या तब्बल दहा हजार पुस्तकाच्या प्रती जप्त करण्यात आल्या असून बालभारतीतर्फे या प्रकरणी पोलिसांकडे गुन्हा दाखल करण्यात आला आहे.
मे.प्रतिभा प्रिंटर्स नागपूर यांच्याकडे महाराष्ट्र राज्य पाठ्यपुस्तक निर्मिती व अभ्यासक्रम संशोधक मंडळाची (बालभारती) इयत्ता दहावीची पाठ्यपुस्तके अनधिकृतरित्या छपाई होत होती. ही बाब समजताच बालभारतीच्या नागपूर भांडारातील मंडळाच्या अधिकारी/कर्मचारी यांना प्रत्यक्ष पाहणी करण्यासाठी याठिकाणी भेट दिली.बालभारतीच्या पाठ्यपुस्तकांची अनधिकृरित्या छपाई होत असल्याचे निदर्शनास येताच त्यावर कारवाई करण्यात आली आहे. याठिकाणी दहावीच्या पाठ्यपुस्तकांच्या अंदाजे दहा हजार प्रती अनधिकृतरित्या छापल्याचे आढळून आले. हा साठा सीलबंद करण्याचे काम सुरु असून पोलीस तक्रार दाखल करण्यात आली आहे.
--------
पाठ्यपुस्तकांची अनधिकृत छपाई झाल्याचा प्रकार लक्षात येताच पोलिसांच्या मदतीने त्वरित कारवाई करण्यात आली असून संबंधितांवर गुन्हा नोंदविण्यात आला आहे. भविष्यात असे प्रकार निदर्शनास आल्यास बालभारतीकडून कडक कारवाई करण्यात येईल.
- अनुराधा ओक, संचालक, बालभारती
