सारथी संस्थेला 'सारथी' नसल्याने निधीची वानवा; गरजू विद्यार्थ्यांची गैरसोय
देशांतर्गत शिष्यवृत्तीची जाहिरात जाहीर झालेली नाही, चालू शैक्षणिक वर्षातील परदेशी शिष्यवृत्ती योजनेतील पात्र विद्यार्थ्यांची यादी प्रसिद्ध झालेली नाही, तर जेईई/नीट कोचिंग सुरू झालेले नाही, तसेच पोलिस भरतीचे मार्गदर्शन वर्गदेखील सुरू झालेले नाहीत, अशा अनेक योजनांची अंमलबजावणी रखडली आहे.
eduvarta@gmail.com 
एज्युवार्ता न्यूज नेटवर्क
छत्रपती शाहू महाराज प्रशिक्षण, संशोधन व मानव विकास संस्था (सारथी) या शासकिय स्वायत्त संस्थेला गेली दीड महिना कोणी 'सारथी' नसल्याने या संस्थेला निधीची मोठ्या प्रमाणावर वानवा (Insufficient funds) पाहायला मिळत आहे. सारथी या संस्थेमार्फत अनेक महत्त्वाच्या योजना राबविल्या जातात. या योजनांना गती देण्याचे काम व्यवस्थापकीय संचालक (Managing Director post vacant) करतात. मात्र, सध्या या संस्थेच्या कार्यपद्धतीचा कारभार पाहण्यासाठी दीड महिन्यापासून हे पदचं रिक्त आहे. त्यामुळे विद्यार्थ्यांमध्ये नाराजीचा सूर उमटत असून या पदावर लवकर नियुक्ती करण्यात यावी, अशी मागणी करण्यात येत आहे.
संस्थाचालकांच्या मनमानी 'फी' वाढीला लगाम, शिक्षणमंत्र्यांकडून नव्या नियमावलीची घोषणा
देशांतर्गत शिष्यवृत्तीची जाहिरात जाहीर झालेली नाही, चालू शैक्षणिक वर्षातील परदेशी शिष्यवृत्ती योजनेतील पात्र विद्यार्थ्यांची यादी प्रसिद्ध झालेली नाही, तर जेईई/नीट कोचिंग सुरू झालेले नाही, तसेच पोलिस भरतीचे मार्गदर्शन वर्गदेखील सुरू झालेले नाहीत, अशा अनेक योजनांची अंमलबजावणी रखडली आहे.
उपमुख्यमंत्री अजित पवार हे पुणे जिल्ह्याचे पालकमंत्री आहेत. आणि ते नेहमी म्हणत असतात कोणत्याही शासकिय योजनेला निधी कमी पडू देणार नाही. मात्र, ते पालकमंत्री असलेल्या पुणे जिल्ह्यात सारथे या संस्थेचे मुख्य कार्यालय आहे. या संस्थेत गेली दीड वर्षे झाले संचालकाची नियुक्ती न झाल्याने योजनांची अंमलबजावणी होत नसल्याने शेकडो कोटींचा निधी चालू वर्षात कमी पडल्याचे दिसून येत आहे. यावर अजित पवार काय निर्णय घेतात हे पाहाणे महत्त्वाचे ठरणार आहे.
