SSC CHSL टियर वन अंतिम उत्तर की प्रसिद्ध

एज्युवार्ता न्यूज नेटवर्क 

कर्मचारी निवड आयोगाने (Staff Selection Commission) SSC संयुक्त उच्च माध्यमिक स्तर (Combined Higher Secondary Level) CHSL  परीक्षा टियर एकची (Tier 1) अंतिम उत्तर की (Final Answer Key Released) https://ssc.gov.in या अधिकृत वेबसाइटवर प्रसिद्ध केली आहे. परीक्षेला बसलेले उमेदवार पोर्टलला भेट देऊन ते डाउनलोड करू शकतात. 

CHSL टियर वन अंतिम उत्तर की डाउनलोड करण्यासाठी, उमेदवारांनी प्रथम  https://ssc.gov.in या अधिकृत वेबसाइटला भेट द्यावी. आता मुख्यपृष्ठावरील लॉगिन लिंकवर क्लिक करा आणि संपूर्ण माहिती प्रविष्ट करा. तुमची अंतिम उत्तर की प्रदर्शित केली जाईल. उत्तर की तपासा आणि सेव्ह करा. 

आयोगाने प्रसिद्ध केलेल्या माहितीनुसार, उमेदवार ही उत्तर की फक्त 6 नोव्हेंबर 2024 पर्यंत डाउनलोड करता येणार आहे. ही लिंक 6 नोव्हेंबरला संध्याकाळी 6 नंतर पोर्टलवरून काढून टाकली जाईल. आयोगाने पात्र आणि अपात्र अशा दोन्ही उमेदवारांचे गुण आणि अंतिम उत्तर की अपलोड केली आहेत. 

CHSL टियर I परीक्षा 1 जुलै ते 11 जुलै 2024 या कालावधीत घेण्यात आली होती. या भरती मोहिमेद्वारे, सरकारी विभागांमध्ये निम्न विभाग लिपिक (LDC), कनिष्ठ सचिवालय सहाय्यक (JSA) आणि डेटा एंट्री ऑपरेटर (DEO) सारख्या पदांवर नियुक्त्या केल्या जातील. एकूण 3 हजार 712 पदे भरण्यात येणार आहेत. तर, टियर I परीक्षेसाठी पात्र ठरलेले उमेदवार 18 नोव्हेंबर रोजी टियर II परीक्षेला बसतील.