SPPU : बीए/ बी एससी/ बी कॉम -बीएड अभ्यासक्रमाचे प्रवेश शुल्क 23 हजार 914
बी. एससी/ बी. एड अभ्यासक्रमाच्या प्रवेशासाठी एकूण ४५ हजार ५१४ रुपये एवढी एका वर्षाचा प्रवेश शुल्क आकारला जाणार आहे. तर बीए /बीएड अभ्यासक्रमासाठी २३ हजार ९१४ रुपये आणि बी. कॉम /बीएड अभ्यासक्रमासाठी विद्यार्थ्यांना वर्षाला २३ हजार ९१४ रुपये भरावे लागणार आहेत. वरील फी आकारणी केवळ पुणे विद्यापीठ आणि संलग्न महाविद्यालयांसाठी लागू असणार आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाकडून (Savitribai Phule Pune University) बीए/ बी. कॉम /बी. एससी- बीएड (एकात्मिक) अभ्यासक्रमासाठी (BA/ B. Sc/ B. Com - B. Ed (Integrated) Course) आकारण्यात येणारे प्रवेश शुल्क जाहीर (Admission fee announced) करण्यात आले आहे. विद्यापीठाने प्रसिद्ध केलेल्या जाहीर सुचनेनुसार, बी. एससी/ बी. एड अभ्यासक्रमाच्या प्रवेशासाठी एकूण ४५ हजार ५१४ रुपये एवढे वार्षिक शुल्क आकारले जाणार आहे. तर बीए /बीएड अभ्यासक्रमासाठी २३ हजार ९१४ रुपये आणि बी. कॉम /बीएड अभ्यासक्रमासाठी विद्यार्थ्यांना वर्षाला २३ हजार ९१४ रुपये शुल्क भरावे लागणार आहेत. वरील शुल्क आकारणी केवळ पुणे विद्यापीठ आणि संलग्न महाविद्यालयांसाठी (Pune University and affiliated colleges) लागू असणार आहे.
राष्ट्रीय अध्यापक शिक्षक परिषद यांनी ४ वर्षीय बीए /बीएससी-बीएड (एकात्मिक) हा अभ्यासक्रम बंद करून प्रस्तुत अभ्यासक्रम ४ वर्षीय एकात्मिक शिक्षण प्रशिक्षण अभ्यासक्रम (ITEP) या अभ्यासक्रमामध्ये परिवर्तीत केले आहे. सदर अभ्यासक्रमाच्या प्रवेशासाठी घेतली जाणारी (CET) परीक्षा या पुढे उच्च आणि तंत्रशिक्षण विभाग यांच्या मार्फत घेतली जाणार नसल्याचे यापूर्वीच स्पष्ट करण्यात आले आहे. त्याऐवजी राष्ट्रीय सामाईक प्रवेश परीक्षा (NCTE) घेतली जाणार आहे.
शैक्षणिक वर्ष २०२५-२६ मध्ये चार वर्षाच्या बीए/बीएससी/ बीकॉम-बीएड (एकात्मिक) सीईटी २०२५ अभ्यासक्रमासाठी अर्ज केलेल्या उमेदवारांना "नॅशनल टेस्टिंग एजन्सी" (NTA) व्दारे आयोजित चार वर्षीय एकात्मिक शिक्षण प्रशिक्षण अभ्यासक्रम (ITEP) अभ्यासक्रमाच्या प्रवेशासाठी "राष्ट्रीय सामाईक प्रवेश परीक्षेसाठी ऑनलाईन अर्ज भरण्याचा सल्ला देण्यात येत आहे. उमेदवारांना NCET चे अधिकृत संकेतस्थळ https://exams.nta.ac.in/NCET/ वर जाऊन अर्ज भरता येणार आहे.
