BEML मध्ये ITI ट्रेनी आणि ऑफिस असिस्टंट ट्रेनी या पदांसाठी भरती प्रक्रिया सुरू

एज्युवार्ता न्यूज नेटवर्क 

सरकारी नोकरीच्या शोधात असलेल्या तरुणांसाठी आनंदाची बातमी आहे.  'भारत अर्थ मूव्हर्स लिमिटेड'ने ('Bharat Earth Movers Limited') आयटीआय ट्रेनी (ITI Trainee) आणि ऑफिस असिस्टंट ट्रेनी (Office Assistant Trainee) या पदांसाठी (Recruitment) अर्ज (Application) मागवले आहेत. अर्ज करण्याची अंतिम तारीख 4 सप्टेंबर 2024 ठेवण्यात आली आहे.

ITI प्रशिक्षणार्थी आणि कार्यालयीन सहाय्यक प्रशिक्षणार्थीच्या 100 रिक्त जागा भरण्यासाठी ही भरती मोहीम राबवली जात आहे. या मोहिमेअंतर्गत ITI प्रशिक्षणार्थीसाठी अर्ज करण्यासाठी, उमेदवाराकडे  संबंधित ट्रेडमध्ये ITI प्रमाणपत्र असणे आवश्यक आहे. ऑफिस असिस्टंट ट्रेनी या पदासाठी, उमेदवारकडे डिप्लोमा/डिग्री इन कमर्शियल प्रॅक्टिस/सेक्रेटेरियल प्रॅक्टिस असणे आवश्यक आहे.

वेगवेगळ्या पदांसाठी वयाची अट वेगवेगळी आहे. त्यानुसार कमाल वयाची अट 32, 35, आणि 37 आहे. तसेच अर्ज करणाऱ्या उमेदवारांना अर्ज शुल्क भरावे लागणार आहे. अर्ज करण्यासाठी सामान्य, ओबीसी, ईडब्ल्यूएस श्रेणीतील उमेदवाराला 200 रुपये द्यावे लागतील. तर SC, ST, PWD साठी कोणतेही अर्ज शुल्क नाही.

अर्ज करण्यासाठी, BEMLच्या bemlindia.in या अधिकृत वेबसाइटवर जावे आणि करिअर विभागात सध्याच्या भरतीवर क्लिक करा. अर्ज लिंकवर क्लिक करून नोंदणी करा. त्यानंतर लॉग इन करा, उर्वरित माहिती भरा आणि फॉर्म सबमिट करा.